ភ្លៀង ខ្យល់កន្ត្រាក់ ធ្វើឱ្យផ្ទះប្រជា​ពលរដ្ឋ ១៨ ខ្នងប៉ើងរាបដល់ដី

ផ្ទះប្រជាពលរដ្ឋចំនួន ១៨ ខ្នងបានប៉ើងរលំស្ទើរាបដល់ដី ខណៈភ្លៀងលាយឡំជាមួយខ្យល់កន្ត្រាក់ កើតឡើងនៅភូមិផាត់សណ្តោង និងភូមិចារថ្មី ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យ កាលពីវេលាម៉ោង ០៤ ល្ងាចថ្ងៃទី ១០ ខែឧសភា។

នគរបាលស្រុកមង្គលបូរី បានឲ្យដឹងថាផ្ទះដែលខូចខាតទាំង១៨ខ្នង ក្នុងនោះរបើកដំបូងស័ង្កសីចំនួន១៤ខ្នង ខូចខាតទាំងស្រុងចំនួន៤ខ្នង ដួលរលំចំនួន៣ខ្នងនិងខ្សល់លើកទម្លាក់ពីលើជើងកំណល់១ខ្នង។

នគរបាលបានបញ្ជាក់ឲ្យដឹងបន្តទៀតថាករណីនេះខ្សល់កន្ត្រាក់នេះ មិនបណ្តាលឲ្យរងគ្រោះថ្នាក់ដល់មនុស្សនិងសត្វឡើយ ហើយ។

លោកវរសេនីយ៍ឯក ស៊ិន ណារ៉ាក់អធិការនគរបាលស្រុកមង្គបូរី បានធ្វើការណែនាំដល់កម្លាំងនគរបាលប៉ុស្តិ៍រដ្ឋបាលឃុំគោកបល្ល័ង្គ ចុះជួយរុះរើនិងជួសជុលជូនប្រជាពលរដ្ឋផងដែរ៕

អត្ថបទ៖ ​វ៉ាន់ ណាង