ព័ត៌មានជាតិ

ឈើស្រឡៅជាច្រើនកំណាត់ ត្រូវប៉ូលិសសេដ្ឋកិច្ចចុះបង្ក្រាបនិងរឹបអូស

បានផុស

៤ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត ចុះបង្ក្រាបនិងរឹបអូសឈើប្រភេទស្រឡៅ បានជាច្រើនកំណាត់ ក្រោយពីក្រុមឈ្មួញ បានដឹកជញ្ជូនយកមកលាក់ទុករង់ចាំពេលវេលាល្អ និងដឹកបន្តទៅប្រទេសវៀតណាម ចូលតាមច្រករបៀងមួយចំនួនជាប់ព្រំដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ការចុះបង្ក្រាបឈើនេះ ទទួលបានការសម្របសម្រួលពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តរតនគិរី បានធ្វើការចុះបង្ក្រាបបទល្មើសធនធានធម្មជាតិ និងបានរឹបអូសឈើប្រភេទស្រឡៅ បានជាច្រើនកំណាត់ ផងដែរ។

ប្រតិបត្តិការចុះបង្ក្រាបបទល្មើសធនធានធម្មជាតិ មួយកន្លែង នៅវេលាម៉ោង៩និង៥នាទីព្រឹក កាលពីថ្ងៃទី១២ ខែវិច្ឆិកា ឆ្នាំ២០២០ ត្រង់ចំណុចក្នុងចម្ការស្វាយចន្ទីរ ស្ថិតនៅក្នុងភូមិឡុំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។ បច្ចុប្បន្នវត្ថុតាង ត្រូវបានដឹកជញ្ជូនយកមករក្សាទុក នៅផ្នែករដ្ឋបាលព្រៃឈើស្រុកអូរយ៉ាដាវ ដើម្បីធ្វើការវាស់វែងនិងចាត់បន្តតាមនីតិវិធីច្បាប់៕

អត្ថបទ៖ អ៊ុច សាវុទ្ធ

សូមចុចអាន៖ លោកតាអាយុ៦៩ឆ្នាំម្នាក់ ត្រូវសមត្ថកិច្ចឃាត់ខ្លួនពាក់ព័ន្ធករណីឈូសឆាយដីរដ្ឋ

Related Topics:បទល្មើសព្រៃឈើ