ឥណ្ឌាឆ្លងកូវីដមួយថ្ងៃជាង ៤០ម៉ឺនករណី ៤ថ្ងៃជាប់គ្នា ថ្ងៃនេះអ្នកឆ្លងសរុបជិត ២៣លាននាក់

នៅថ្ងៃអង្គារនេះ ប្រទេសឥណ្ឌា បានកត់ត្រាការឆ្លងជំងឺកូវីដ-១៩ថ្មីចំនួន ៣២៩,៩៤២ករណី និងស្លាប់ចំនួន ៣.៨៧៦នាក់ ដែលនាំឲ្យចំនួនសរុបកើនដល់ ២២,៩៩២,៥១៧ករណី។ នេះបើយោងតាមតួលេខដែលចេញផ្សាយដោយក្រសួងសុខាភិបាល។

នេះជាថ្ងៃទីពីរជាប់ៗគ្នាដែលចំនួនករណីប្រចាំថ្ងៃថ្មី ត្រូវបានគេរាយការណ៍ទាបជាង៤០០,០០០ករណី។ កន្លងមក ប្រទេសឥណ្ឌាបានកត់ត្រាករណីឆ្លងជាង ៤០ម៉ឺនករណី ៤ថ្ងៃជាប់គ្នា។ ចាប់តាំងពីថ្ងៃទី២៨ខែមេសាមក ចំនួនអ្នកស្លាប់ប្រចាំថ្ងៃមានលើសពី ៣,០០០នាក់ ដោយនាំឲ្យចំនួនអ្នកស្លាប់សរុបកើនដល់ ២៤៩,៩៩២នាក់។

ឥណ្ឌាជាប្រទេសរងគ្រោះខ្លាំងជាងគេលំដាប់ទី២ បន្ទាប់ពីសហរដ្ឋអាមេរិកដែលមាន ៣២.៧លានករណី និងនាំមុខប្រទេសប្រេស៊ីលដែលមានករណីឆ្លងខ្ពស់បំផុតលំដាប់ទី៣គឺ ១៥.២លាននាក់។ នេះបើយោងតាមសាកលវិទ្យាល័យ Johns Hopkins៕