ព័ត៌មានជាតិ

តុលាការកោះហៅលោក គឹម សុខ ឲ្យចូលបំភ្លឺ

បានផុស

៤ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

លោក គឹម សុខ ដែលគេស្គាល់ថា ជាអ្នកវិភាគនយោបាយ និងសង្គម ហើយកំពុងរស់នៅបែបនិរទេសខ្លួន នៅក្រៅប្រទេស ត្រូវបានតុលាការកោះហៅឲឲ្យចូលបំភ្លឺនៅថ្ងៃទៅ០៣ ខែធ្នូ ឆ្នាំ២០២០ខាងមុខ ពាក់ព័ន្ធ នឹងបណ្ដឹង “បរិហារកេរ្តិ៍ជាសាធារណៈ” និង”ញុះ ញង់បង្កឱ្យមានភាពវឹកវរសន្តិសុខសង្គម” ។នេះបើយោងតាមដីកា ដែលទទួលបាននៅថ្ងៃទី១២ ខែវិច្ឆិកា នេះ។

ដីកាចុះថ្ងៃទី៣ ខែវិច្ឆិកា របស់លោក ស៊ិត វណ្ណៈ ព្រះរាជអាជ្ញារង អមសាលាដំបូងរាជធានីភ្នំពេញ បានកោះហៅលោក គឹម សុខ ឲ្យចូលសវនាការនៅវេលាម៉ោង៨ ព្រឹក ប៉ុន្តែលោក គឹម សុខ បានអះអាងថា នឹងមិនចូលរួមនៅក្នុងសវនាការនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គឹម សុខ អាយុ៤០ ឆ្នាំ បច្ចុប្បន្នកំពុងរស់នៅជ្រកកោននៅក្នុងប្រទេសហ្វាំងឡង់ បន្ទាប់ពីភៀសខ្លួនជាមួយកូនស្រីពីប្រទេសកម្ពុជា កាលពីអំឡុងខែតុលា ឆ្នាំ២០១៨។

លោកធ្លាប់ត្រូវបានតុលាការសម្រេចដាក់ទោស១៨ ខែ និងពិន័យជាប្រាក់៨ លានរៀល និងតម្រូវឱ្យបង់សំណងជំងឺ ចិត្ត២០ ម៉ឺនដុល្លារទៅគណបក្សប្រជាជនកម្ពុជាម្តងរួចហើយ ទាក់ទងបទ “បរិហារកេរ្តិ៍ និងញុះញង់ឱ្យប្រព្រឹត្តបទឧក្រិដ្ឋជាអាទិ៍” ពាក់ព័ន្ធទៅនឹងការចោទថា គណបក្សប្រជាជនកម្ពុជា ស្ថិតនៅពីក្រោយការស្លាប់របស់លោក កែម ឡី ហើយត្រូវបានដោះលែងកាលពីថ្ងៃទី១៧ ខែសីហា ឆ្នាំ២០១៨ ក្រោយពីជាប់ឃុំអស់រយៈពេល១៨ ខែតាមសាលដីការបស់តុលាការ៕

អត្ថបទ ៖ កោះកែវ

Related Topics:ច្បាប់