ទម្លាយ​ការ​ស៊ើប​អង្កេត ការពិត​ឃាតក​ជា​ឪពុក និង​ប្តី​ដែល​ដុត​ផ្ទះ​សម្លាប់​ប្រពន្ធកូន​ដល់ ៥ នាក់​

នៅព្រឹកថ្ងៃទី១២ ខែឧសភា ឆ្នាំ២០២១នេះ សមត្ថកិច្ច​បាន​ទម្លាយ​ការ​ស៊ើប​អង្កេត​លើករណី​អគ្គិភ័យ​ដែលបាន​សម្លាប់​មួយ​គ្រួសារ​មានប្រពន្ធ និងកូន​រហូត​ដល់ ០៥ នាក់ ការពិត​ជា​បុរស​ជាប្តី​និង​ត្រូវ​ជាឪពុកជន​រងគ្រោះ។

តាមចម្លើយសារភាពនៅមុខសមត្ថកិច្ចជំនាញ ឈ្មោះ នុន សារ៉េត អាយុ៣៨ឆ្នាំ ជាឃាតកសម្លាប់ និងដុតផ្ទះ​សម្លាប់​ប្រពន្ធកូនរហូតដល់៥នាក់។

ករណីអគ្គិភ័យលេបត្របាក់ផ្ទះអស់មួយខ្នង រួមទាំងនាំជីវិតមនុស្ស០៥ទៅជាមួយផង។ ហេតុការណ៍នេះកើតឡើងកាលពីវេលាម៉ោង០៨និង៣០នាទីយប់ ថ្ងៃទី៩ ខែឧសភា ឆ្នាំ២០២១ ស្ថិតនៅភូមិដើមជ្រែ ឃុំខុនរ៉ង់ ស្រុកបរិបូណ៌ ។

តាមការ​ឲ្យ​ដឹង​របស់​អាជ្ញាធរ​ គ្រួសាររងគ្រោះខាងលើមានប្រពន្ធឈ្មោះ សៀន សុខជា អាយុ ប្រមាណជាង ៣០ ឆ្នាំ (ស្លាប់) ចំណែកប្ដីមានឈ្មោះ នុន សារ៉េត អាយុ ៣៥ ឆ្នាំ(នៅរស់) និងកូន ៤ នាក់ ក្នុងនោះកូនច្បងដែលជាកូនភ្លោះមានអាយុ ៨ ឆ្នាំនិងកូនពៅគេមានអាយុ ៤ ឆ្នាំ (ប្រុសទាំងអស់បានស្លាប់)។

ព័ត៌មានលម្អិត​បន្ថែម កម្ពុជាថ្មី​​នឹង​ផ្សាយ​ជូនបន្ត​​ទៀត៕