ព័ត៌មានជាតិ
ឃាតកម្មនៅកំពង់ឆ្នាំង សមត្ថកិច្ចវះសពជនរងគ្រោះពីរនាក់គឺបានស្លាប់ទៅហើយ មុនពេលឃាតកដុតសម្លាប់បន្ថែម
ឃាតកម្មដ៏រន្ធត់មួយនៅខេត្តកំពង់ឆ្នាំង បានបង្កឲ្យមួយគ្រួសារមានប្រពន្ធនិងកូន ៤ នាក់បានស្លាប់ក្នុងផ្នក់ភ្លើង។ ដំបូងដែលគេគិតថាជាករណីអគ្គិភ័យ ប៉ុន្តែក្រោយការស្រាវជ្រាវពីសមត្ថកិច្ចជំនាញបានរកឃើញតម្រុយ គឺជាឃាតកម្មបង្កឡើងដោយជនល្មើសជាប្តីនិងឪពុករបស់ជនរងគ្រោះ។
លោក ខូវ លី ស្នងការនគរបាលខេត្តកំពង់ឆ្នាំងបានថ្លែងប្រាប់កម្ពុជាថ្មីនៅព្រឹកនេះថា ក្រោយការធ្វើកោសល្យវិច័យ ដោយយកសាកសពជនរងគ្រោះមកវះពិនិត្យ ឃើញថាជនរងគ្រោះពីរនាក់បានស្លាប់ទៅហើយ មុនពេលឃាតកដុតសម្លាប់បន្ថែម។
លោកបញ្ជាក់ថា ឃាតកម្មនេះមិនមែនជាករណីអគ្គិភ័យទេ គឺប្តីនិងឪពុកជនរងគ្រោះជាជនជនល្មើសក្នុងឃាតកម្មសម្លាប់ផុតពូជនេះ។
“ពីរថ្ងៃហ្នឹងវាមិនបានឆ្លើយទេ យប់មិញនេះវាសំណូមពរមកសមត្ថកិច្ចថាកុំឲ្យសួរវាទៀត។ វាសុំធូកមួយដុំដុត ហើយព្រលឹមឡើងក៏ឆ្លើយសារភាពថា បានសម្លាប់ប្រពន្ធដោយកន្រ្តៃដោយសារប្រពន្ធកាចពេក ជេរបញ្ចោររាល់ថ្ងៃ”។
លោកស្នងការបានលើកសម្ដីសារភាពរបស់ជនល្មើសនៅថ្ងៃកើតហេតុថា ខណៈកំពុងតែហូបបាយ ជនរងគ្រោះជាប្រពន្ធបានជេរបញ្ចោរ ដោយទ្រាំមិនបាននិងណាមួយកំហឹងមួយភ្លើងផង ជនល្មើសក៏បានទាញកន្ត្រៃទៅចាក់សម្លាប់ប្រពន្ធ ហើយកូនៗក៏បានឃើញហេតុការណ៍ ដោយសារភាពតក់ស្លុតពេកក៏ទាញពូកបាំងជណ្តើរឡៅតឿមិនឱ្យចុះបាន រួចដុតសម្លាប់តែម្តង។
បើតាមលោកស្នងការ ជនល្មើសមិនបានប្រាប់ពេលសម្លាប់ប្រពន្ធរួច ហើយកូនប្រុសអាយុ ៤ ឆ្នាំសម្លាប់ដោយរបៀបណាទេ ដោយសារក្នុងពេលកើតហេតុការណ៍វាតក់ស្លុតពេក។
លោកស្នងការបន្តទៀតថា ឥលូវក្រោយពេលជនល្មើសសារភាព និងមានភស្តុតាងគ្រប់គ្រាន់ សមត្ថកិច្ចនឹងបញ្ជូនជនល្មើសទៅតុលាការដើម្បីកាត់ទោសបន្តទៀត។
គួរបញ្ជាក់ថា ឃាតកម្មដែលមានឪពុកនិងប្តីជាឃាតក បានឈានទៅសម្លាប់ប្រពន្ធនិងកូន នាំជីវិតមនុស្ស០៥ទៅជាមួយ។ ហេតុការណ៍នេះកើតឡើងកាលពីវេលាម៉ោង០៨និង៣០នាទីយប់ ថ្ងៃទី៩ ខែឧសភា ឆ្នាំ២០២១ ស្ថិតនៅភូមិដើមជ្រែ ឃុំខុនរ៉ង់ ស្រុកបរិបូណ៌ ខេត្តកំពង់ឆ្នាំង។ ជនរងគ្រោះជាប្រពន្ធឈ្មោះ សៀន សុខជា អាយុជាង ៣០ ឆ្នាំនិងកូន ៤ នាក់ ក្នុងនោះកូនច្បងដែលជាកូនភ្លោះមានអាយុ ៨ ឆ្នាំនិងកូនពៅមានអាយុ ៤ ឆ្នាំ បានស្លាប់៕
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី