ព័ត៌មានជាតិ

៣ខែឆ្នាំនេះកំពង់ផែស្វយ័តក្រុងព្រះសីហនុទទួលបានប្រាក់ចំណេញជាង៩លានដុល្លារ កើនឡើង៩៧ភាគរយ

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

ភ្នំពេញ ៖ យោងតាមរបាយការណ៍របស់កំពង់ផែស្វយ័តក្រុងព្រះសីហនុបានឲ្យដឹងថា នៅក្នុងរយៈពេល៣ខែឆ្នាំ២០២១នេះកំពង់ផែស្វយ័តក្រុងព្រះសីហនុ ទទួលបានប្រាក់ចំណេញសរុបចំនួន ៣៦,៨០ ៥,២០៦,០០០រៀលស្មើនឹងប្រមាណជាង៩លានដុល្លារអាមេរិក កើនឡើង៩៧ភាគរយ បើធៀបនឹងឆ្នាំ២០២០ដែលទទួលបានប្រាក់ចំណេញបចំនួន ៨២០,៣៩៥,០០០រៀលស្មើនឹងប្រមាណ ២០ម៉ឺនដុល្លារអាមេរិកប៉ុណ្ណោះ។

យោងតាមរបាយការណ៍ដដែលបានបញ្ជាក់ទៀតថា ការទទួលប្រាក់ចំណេញនេះដោយសាររយៈពេល៣ខែឆ្នាំនេះកំពង់ផែស្វយ័តក្រុងព្រះសីហនុរកចំណូលបានចំនួន៨១,២៩១,១១៣,០០០រៀល ស្មើនឹងប្រមាណ ២០លានដុល្លារអាមេរិកកើនឡើងជាង ១១ភាគរយ បើធៀបនឹងឆ្នាំ២០២០ដែលមានចំនួន ៧១,៧០៧,៧៨១,០០០រៀល ស្មើនឹងប្រមាណ ១៧លានដុល្លារអាមេរិកប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូរបញ្ជាក់ថា កំពង់ផែស្វយ័តក្រុងព្រះសីហនុ គឺជាកំពុងផែសមុទ្រទឹកជ្រៅអន្តរជាតិតែមួយគត់ ក្នុងប្រទេសកម្ពុជា ស្ថិតនៅក្នុងខេត្តព្រះសីហនុ ដែលជាច្រករបៀងសេដ្ឋកិច្ច ភាគខាងត្បូងរវាងរាជធានីភ្នំពេញ និងខេត្តព្រះសីហនុ៕

ដោយ ៖ សំអឿន