ព័ត៌មានជាតិ

កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ

បានផុស

៤ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

ភ្នំពេញ ៖ កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ ដើម្បីបើកការស៊ើបអង្កេត នៅវេលាម៉ោង៣រសៀល ថ្ងៃទី១៣ ខែឧសភា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញាបានមកដល់ការិយាល័យក្រុមមេធាវីស្ម័គ្រចិត្តសម្តេចតេជោ នេះបើតាមលោកគី តិច បានបង្ហោះក្នុងបណ្ដាញទំនាក់ទំនងសង្គមហ្វេសបុក។

សូមបញ្ជាក់ថា កាលពីរសៀលថ្ងៃទី១៣ ឧសភា ឆ្នាំ២០២១ នេះ លោកឧកញ៉ា ហេង សៀ បានដាក់ពាក្យសុំពន្យារការចូលខ្លួនដើម្បីឆ្លើយបំភ្លឺទៅលើសំណុំរឿងដែលកញ្ញា មាន ពេជ្ររីតា បានប្ដឹងរូបលោក។

ពាក្យសុំពន្យារពេលចូលឆ្លើយនេះ ត្រូវបានដាក់ព្រមគ្នាទាំងនៅស្ថាប័នអយ្យការអមសាលាដំបូង និងស្ថាប័នតុលាការតែម្ដង បន្ទាប់ពីកញ្ញា រីតា ហៅយូប៊ី កាលពីថ្ងៃទី ១១ឧសភា បានដាក់ពាក្យចូលមកអយ្យការអមសាលាដំបូងមានកម្មវត្ថុប្ដឹងលោកឧកញ៉ា ហេង សៀ ពីបទ « ប៉ុនប៉ងរំលោភសេពសន្ថវៈ នៅក្នុងរថយន្ត» ដោយភ្ជាប់ជាមួយនឹងការទាមទារសំណងជំងឺចិត្តចំនួន១០ម៉ឺនដុល្លារ។

កញ្ញា មាន ពេជ្ររីតា ត្រូវបានចៅក្រមស៊ើបសួរសាលាដំបូងចេញដីកាសម្រេចដោះលែងឲ្យនៅក្រៅឃុំបណ្ដោះអាសន្នកាលពីរសៀលថ្ងៃទី ១៣ឧសភា ឆ្នាំ២០២១នេះ បន្ទាប់ពីឃុំខ្លួនបាន២ថ្ងៃ២យប់នៅពន្ធនាគារព្រៃស៕

កែសម្រួលដោយ ៖ នាគព័ន្ធ