ព័ត៌មានជាតិ

រស់នៅក្នុងតំបន់ក្រហម ឪពុកបង្កើតវ៉ៃកូនរហូតប៉ោងភ្នែក

បានផុស

៤ years មុន

នៅ

ថ្ងៃសៅរ៍ ១៥ ឧសភា ២០២១

ដោយ

ករណីហិង្សាក្នុងគ្រួសារ ដែលបង្កឡើងដោយឪពុកចិត្តអាក្រក់លើកដៃវ៉ៃប្រដៅកូន ដោយគ្មានដឹងទិសដំបន់រហូតដល់ប៉ោងភ្នែក។ ហេតុការណ៍នេះ បានកើតឡើងកាលពីវេលាម៉ោង៨និង៤៥នាទីព្រឹកថ្ងៃទី១៥ ខែឧសភា នៅក្នុងតំបន់(ក្រហម)ស្ថិតក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងរងគ្រោះឈ្មោះ ថា នុត ភេទប្រុស អាយុ១៤ឆ្នាំ។ ដោយឡែកឪពុកដែលជាជនដៃដល់ត្រូវបានគេស្គាល់ឈ្មោះ នុត ណារុន អាយុ៤១ឆ្នាំ រស់នៅក្នុងតំបន់ក្រហមភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

យោងតាមការបញ្ជាក់ពីសាក្សីបានប្រាប់លោក ជូ ប៊ុននី ជំនួយការចៅសង្កាត់ច្បារអំពៅទី២ បានឲ្យដឹងថានៅព្រឹកថ្ងៃទី១៥ ខែឧសភានេះ ប្រជាពលរដ្ឋរស់នៅក្នុងតំបន់ក្រហមនាំគ្នាភ្ញាក់ផ្អើលដោយសារឃើញបុរសម្នាក់វាយក្មេងប្រុសដូចវាយបាវសាក់។ ឃើញភាពសាហាវបែបនេះ ប្រជាពលរដ្ឋបានប្តឹងទៅអាជ្ញាធរ ដែលយាមនៅតំបន់ក្រហមឲ្យជួយអន្តរាគមន៍។ ខណៈនោះជនបង្កបានគេចខ្លួនទៅមាត់ទន្លេបាត់។ លោក ជូ ប៊ុននី បានឲ្យដឹងថា ករណីហិង្សានេះ គឺឪពុកវាយកូនប្រុសរបស់ខ្លួនដោយគ្មានមូលហេតុច្បាស់លាស់។ បច្ចុប្បន្នសមត្ថកិច្ចកំពុងស្វែងរកចាប់ខ្លួនឪពុកមកទីស្នាក់ ដើម្បីចាត់ការតាមផ្លូវច្បាប់ពាក់ព័ន្ធករណីហិង្សាក្នុងគ្រួសារ៕

អត្ថបទ៖ នរា

សូមចុចអាន៖ រន្ទះបាញ់នៅខេត្តបន្ទាយមានជ័យផ្តាច់ជីវិតស្ត្រីម្នាក់ មនុស្ស៤នាក់ទៀតរងរបួស