ព័ត៌មានជាតិ
លោកជំទាវម៉ែន សំអន ផ្តល់នូវគោលការណ៍៣សំខាន់ៗដើម្បីបញ្ចៀសជំងឺកូវីដ១៩ ព្រោះវាមិនដែលភ្លេចយើងឡើយ
ស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយខេត្តស្វាយរៀងបានថ្លែងនូវការផ្តល់គោលការណ៍៣សំខាន់ៗដើម្បីបញ្ចៀសជំងឺកូវីដ១៩ព្រោះវាមិនដែលភ្លេចយើងឡើយ។
លោកជំទាវកិត្តិសង្គហបណ្ឌិត ម៉ែន សំអន ផ្តល់នូវគោលការណ៍មានសារៈសំខាន់បែបនេះខណៈពេលតំណាងដ៏ខ្ពង់ខ្ពស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកស្រូវពូជជូនប្រជាពលរដ្ឋរងគ្រោះ ដោយជំនន់ទឹកភ្លៀង ១.០២០គ្រួសារ តាមបណ្ដោយមាត់ទន្លេវ៉ៃគោ ស្ថិតក្នុងសង្កាត់ស្វាយរៀង ក្រុងស្វាយរៀង នៅខេត្តស្វាយរៀង នាព្រឹកថ្ងៃទី១២ វិច្ឆិកា ឆ្នាំ២០២០ម្សិលមិញនេះ។
លោកជំទាវកិត្តិសង្គហបណ្ឌិត បានថ្លែងនូវការផ្តាំផ្ញើសាកសួរសុខទុក្ខពីសំណាក់ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលជានិច្ចកាល សម្ដេចទាំងពីរតែងតែគិតគូរ អំពីសុខទុក្ខប្រជាពលរដ្ឋទូទាំងប្រទេសដោយចុះដល់ទីតាំងរងគ្រោះ និងបានចាត់តំណាងចូលរួមជំនួសសម្តេចតេជោ។
ក្នុងនាមសម្តេចតេជោហ៊ុន សែន លោកជំទាវកិត្តិសង្គហបណ្ឌិត ម៉ែន សំអន ថ្លែងថា ជំងឺរាតត្បាតកូវឹដ ១៩នេះគឺជាជំងឺដ៏កាចសាហាវដែលកំពុងតែសម្លាប់អាយុជីវិតមនុស្សលើពិភពលោកជិត១លាន២សែនហើយអ្នកឆ្លងជាង៦០លាននាក់។ ដូច្នោះបងប្អូនប្រជាពលរដ្ឋទាំងអស់ដាច់ខាតត្រូវតែបន្តការប្រុងប្រយ័ត្ន និងចូលរួមទាំងអស់គ្នាដើម្បីការពារខ្លួនព្រមទាំងក្រុមគ្រួសារ និងសហគមន៍ ពីជំងឺកូវីដ១៩ ព្រោះមកដល់ពេលនេះជំងឺនេះនៅបន្តរីករាលដាលយ៉ាងខ្លាំង និងពុំទាន់មានវ៉ាក់សាំងការពារនៅឡើយទេ។
លោកជំទាវកិត្តិសង្គហបណ្ឌិត បានមានប្រសាសន៍ថា សម្តេចតេជោ ពិតជាសោកស្តាយ ដែលមិនអាចមកចូលរួមផ្ទាល់ ប៉ុន្តែសម្តេចបានចាត់ឲ្យតំណាងចូលរួមទៅកាន់ខេត្តគោលដៅតាមផែនការកំណត់ ដោយតាមដានការអនុវត្តជាប់ជាប្រចាំ ការចែកស្បៀង និងស្រូវពូជជូនដល់ប្រជាពលរដ្ឋរងគ្រោះ ឲ្យបានទាន់ពេលវេលា នៅក្នុងដំណាក់កាលស្តាឡើងវិញនេះ គឺជាកិច្ចការអាទិភាពសំខាន់ចាំបាច់ ដោយមិនអាចពន្យារពេលបាន។
លោកជំទាវកិត្តិសង្គហបណ្ឌិតក៏បាន ថ្លែងអំណរគុណចំពោះ កងកម្លាំងទាំងបីប្រភេទ អាជ្ញាធរដែនដី សហភាពសហព័ន្ធយុវជនកម្ពុជាខេត្តស្វាយរៀង និងក្រុមការងារពាក់ព័ន្ធ ដែលបានចូលរួមរៀបចំកម្មវិធីនេះប្រព្រឹត្តទៅបានយ៉ាងល្អ។
លោកជំទាវកិត្តិសង្គហបណ្ឌិតក៏បាន អំពាវនាវដល់ប្រជាពលរដ្ឋទាំងអស់បន្តការប្រុងប្រយ័ត្ន និងចូលរួមទាំងអស់គ្នាអនុវត្តន៍តាមការណែនាំរបស់ក្រសួងសុខាភិបាលដើម្បីការពារខ្លួនព្រមទាំងក្រុមគ្រួសារ និងសហគមន៍ ពីជំងឺកូវីដ១៩ ព្រោះមកដល់ពេលនេះជំងឺនេះនៅបន្តរីករាលដាលយ៉ាងខ្លាំង លើពិភពលោក រួមនឹងកម្ពុជាផងដែរ ហើយក៏ពុំទាន់មានវ៉ាក់សាំងការពារនៅឡើយទេ។ ត្រូវរួមគ្នាគោរពច្បាប់ចរាចរណ៍ទាំងអស់គ្នា ចូលរួមពង្រឹងនូវភូមិឃុំមានសុវត្ថិភាព និងជៀសផុតពីគ្រឿងញៀន។ ជាពិសេសសូមបន្តរួមគ្នាការពារសន្តិភាព ដែលនេះជាកិច្ចការសំខាន់ និងជាមូលដ្ឋានចាំបាច់សម្រាប់យើងរួមបន្តអភិវឌ្ឍន៍ប្រទេសទៅមុខទៀត។
សូមបញ្ជាក់ថា នាឱកាសជួបសំណេះសំណាលជាមួយប្រជាពលរដ្ឋជាង១០០០គ្រួសារនោះលោកជំទាវកិត្តិសង្គហបណ្ឌិតក៏បាននាំអំណោយដ៏ថ្លៃថ្លារបស់ សម្តេចតេជោ និងសម្តេចកិត្តិព្រឹទ្ធបណ្ឌិតចែកជូនប្រជាពលរដ្ឋ ១.០២០គ្រួសារ រួមមាន ក្នុង ១គ្រួសារ ទទួលបាន ស្រូវពូជ ១០០គីឡូក្រាម មី ១កេស នំប៉័ង ១ដើម និងថវិកា ៥ម៉ឺនរៀល ផងដែរ៕
ដោយ ៖ វិមាន
ជាផ្លូវការ! នាយទាហាន ធ្លាក់ពេលលោតឆ័ត្រយោង បានស្លាប់ហើយ
គ្រូៗនៅសាលារៀនកុមារអូទីស្សឹម រំភើបចិត្តឡើងស្រក់ទឹកភ្នែក ក្រោយពេលសម្តេចតេជោជួយបំពេញក្របខ័ណ្ឌ
ការសិក្សា៖ អ្នកកើតកូវីដហើយ មានភាពស៊ាំមិនឲ្យឆ្លងម្តងទៀតរយៈពេល៥ខែ
ភ្នាក់ងារសង្គមកិច្ច ត្រូវពិនិត្យមើលលើអ្វី ដែលជាឫសគល់ រុញច្រានកុមារឲ្យឈានទៅប្រព្រឹត្តបទល្មើស
មិនដល់ ២ សប្តាហ៍ រដ្ឋាភិបាលលុបចោលគម្រោងកាត់ដីចេញពីបឹងតាមោកសរុបជាង ៨០ ហិតា
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ1 week agoបុរសសូត្រធម៌៧ភាសា រងការគំរាម ខណៈមិនមានឈ្មោះជាអាចារ្យក្នុងបញ្ជី
-
ព័ត៌មានជាតិ6 days agoអ្នកគ្រូណាលី ធ្លាប់ទៅរៀនគ្រូដើម ៣ ប្រទេស ឆ្លងកាត់ហុងស៊ុយអូឌីត ទទួលស្គាល់ជាអន្តរជាតិ
-
ព័ត៌មានជាតិ1 week agoដៃគូខ្មាន់កាំភ្លើងបង្ហាញចម្លើយសារភាពជាក់លាក់របស់ខ្លួន
-
ព័ត៌មានអន្ដរជាតិ6 days agoដំណឹងល្អ! ប្រទេសមានប្រាក់ចំណូលទាប នឹងទទួលបានវ៉ាក់សាំងកូវីដក្នុងខែនេះ
-
ព័ត៌មានជាតិ6 days agoរកឃើញមិនពាក់ព័ន្ធ សម្រេចដោះលែងប្រពន្ធជនដៃដល់បាញ់សម្លាប់នាយរងប៉ូលិស ឲ្យមានសេរីភាពវិញ
-
ព័ត៌មានជាតិ3 days agoបន្ទាន់! ផ្ទុះជំងឺផ្តាសាយបក្សី (H5N1) បណ្ដាលឲ្យមាន់ជាង១ពាន់ក្បាលងាប់
-
ព័ត៌មានអន្ដរជាតិ5 days agoទីបំផុត លោក Duterte ចេញមុខលូកដៃរឿងនារីអូតែស ហ្វីលីពីន
-
ព័ត៌មានជាតិ4 days agoមន្រ្ដីម្នាក់បាញ់សម្លាប់ប្រពន្ធរួច បាញ់ខ្លួនឯងតាមក្រោយ បន្សល់ទុកកូនស្រីឲ្យនៅកំព្រា