ព័ត៌មានជាតិ
លោកឧត្តមសេនីយ៍ឯក ហ៊ុន ម៉ាណែត ចុះចែកអាវរងាជូនដល់កងកម្លាំងប្រដាប់អាវុធទិសយោធភូមិភាគទី២
លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក កាលពីថ្ងៃទី១២ ខែវិច្ឆិកា ឆ្នាំ២០២០ បានចែកអាវរងា ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនដល់កងកម្លាំងប្រដាប់អាវុធទិសយោធភូមិភាគទី២ នៅទីបញ្ជាការតំបន់ប្រតិបត្តិការសឹករងត្បូងឃ្មុំ ខេត្តត្បូងឃ្មុំ។
ថ្លែងនៅក្នុងពិធីនោះលោកឧត្តមសេនីយ៍ឯក ហ៊ុន ម៉ាណែត នាំមកនូវការនឹករលឹកពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងយកចិត្តទុកដាក់គិតគូរគ្រប់ពេលវេលាអំពីសុខទុក្ខរបស់បងប្អូនកងកម្លាំងប្រដាប់អាវុធទាំងអស់ ដែលកំពុងឈរជើងបំពេញភារកិច្ចរបស់ខ្លួនយ៉ាងអង់អាចក្លាហាន យកអស់កម្លាំងកាយចិត្ត ក្នុងការការពារបូរណភាពទឹកដីតាមខ្សែបន្ទាត់ព្រំដែនក្នុងភូមិសាស្ត្រយោធភូមិភាគទី២។
លោកឧត្តមសេនីយ៍ឯក ហ៊ុន ម៉ាណែត បានផ្តាំផ្ញើឲ្យកងកម្លាំងទាំងអស់បន្តនូវស្មារតីស្នេហាជាតិ សាសនា ព្រះមហក្សត្រ និងការពារសុខសន្តិភាពដ៏ស្រស់បំព្រងដែលកំពុងគ្រប់ដណ្តប់លើប្រទេសយើងនាពេលនេះ ហើយចូលរួមក្នុងការទប់ស្កាត់នូវរាល់ការបំផុសបំផុលអកុសលនានាដែលនាំមកនូវអស្ថិរភាព និងអសន្តិសុខ ពីសំណាក់អ្នកនយោបាយមួយចំនួនដែលបន្តមហិច្ឆតាឥតឈប់ឈរក្នុងការប៉ុនប៉ងបំផ្លិចបំផ្លាញសន្តិភាព អភិវឌ្ឍន៍ និងសុខដុមនីយភាពនៅក្នុងប្រទេសកម្ពុជា ហើយត្រូវបន្តអនុវត្តតួនាទីចម្បងជាកងកម្លាំងប្រដាប់អាវុធក្នុងការបម្រើប្រជាពលរដ្ឋ ទាំងនៅក្នុងការការពារបូរណភាពទឹកដី សុខសន្តិភាព ស្ថិរភាព ក៏ដូចជានៅក្នុងការជួយសង្គ្រោះអំឡុងពេលមានគ្រោះមហន្តរាយនានា ជាអាទិ៍ពេលនេះជម្ងឺរាតត្បាតកូវីដ-១៩ បានក្លាយជាគ្រោះមហន្តរាយដ៏ធ្ងន់ធ្ងរ និងកាចសាហាវ ដែលពិភពលោកទាំងមូល រួមទាំងកម្ពុជាយើងកំពុងជួបប្រទះ។ ដូច្នេះហើយសូមបន្តនូវការត្រៀមការពារ និងប្រុងប្រយ័ត្នខ្ពស់ថែមទៀតចាប់តាំងពីកម្រិតបុគ្គល ក្រុម រហូតដល់អង្គភាព និងសហគមន៍ទាំងមូល ដោយមិនត្រូវព្រងើយកន្តើយសូម្បីតែជាមួយនឹងជំងឺផ្តាសាយធម្មតា ដើម្បីភាពជោគជ័យក្នុងការហែលឆ្លងនូវកាលៈទេសៈនេះ។
បើតាមលោកឧត្តមសេនីយ៍ឯក ហ៊ុន ម៉ាណែត ចាប់តាំងពីជំងឺកូវីដ-១៩ រីករាលដាលលើពិភពលោករយៈកាលជាង១០ខែកន្លងមក ព្រះរាជាណាចក្រកម្ពុជាយើងបានគ្រប់គ្រងនូវស្ថានការណ៍មិនឲ្យមានការផ្ទុះរីករាលដាលនៅទូទាំងប្រទេសឡើយ។ លទ្ធផលដែលសម្រេចបានមកនេះ គឺដោយសារការដឹកនាំរបស់ សម្តេចតេជោ ជាប្រមុខរាជរដ្ឋាភិបាល និងជាប្រធានគណៈកម្មការជាតិប្រយុទ្ធនឹងជម្ងឺកូវីដ-១៩ រួមជាមួយក្រសួងសុខាភិបាល ព្រមទាំងក្រសួង មន្ទីរ និងអាជ្ញាធរគ្រប់ស្ថាប័នទូទាំងរាជធានី ខេត្តពាសពេញផ្ទៃប្រទេស ដែលបានចូលរួមជ្រោមជ្រែង សហការ ក្នុងការអនុវត្តវិធានការសុខាភិបាលហ្មត់ចត់នានា ដើម្បីធានានូវសេចកី្តសុខ សុវត្ថិភាពរបស់ប្រជាពលរដ្ឋយើងរហូតដល់ថ្ងៃនេះ។ តែទន្ទឹមនឹងលទ្ធផលជាវិជ្ជមាននេះ យើងក៏មិនត្រូវថយនូវការប្រុងប្រយ័ត្ន ព្រោះជម្ងឺនេះមិនទាន់បាត់រលត់ពីផែនដីនៅឡើយទេ ហើយក៏មានបណ្តាប្រទេសជាច្រើនកំពុងតែជួបប្រទះនូវការរីករាលដាលទ្បើងវិញ ដូច្នេះហើយដើម្បីរក្សានូវការប្រុងប្រយ័ត្នខ្ពស់ សមេ្តចតេជោ លោកបានអំពាវនាវអោយបន្តរឹតបន្តឹងការអនុវត្តនូវវិធានសុខាភិបាលនានាតាមទីកន្លែងសាធារណៈក៏ដូចជាឯកជន ហើយបន្ថែមនូវការយកចិត្តទុកដាក់ខ្ពស់ក្នុងការការពារ និងថែរក្សាសុខភាពអោយបានល្អរបស់បុគ្គល ក៏ដូចជាក្រុម ដើម្បីធានានូវប្រសិទ្ធភាពក្នុងការទប់ស្កាត់ការរីករាលដាលនៃជំងឺនេះ។
លោកបានអរគុណ និងកោតសរសើរដល់កងកម្លាំងប្រដាប់អាវុធរបស់យើងទាំងអស់ឈរជើងនៅក្នុងភូមិសាស្ត្រយោធភូមិភាគទី២ ដែលបានខិតខំបំពេញភារកិច្ចរបស់ខ្លួននិងបង្ហាញនូវភាពម៉ឺងម៉ាត់នៅក្នុងការថែរក្សាសុខសន្តិភាព ស្ថិរភាព ការពារបូរណភាពទឹកដី និងការសហការជាមួយភាគីមិត្ត ហើយក៏បានបន្តចូលរួមយ៉ាងសកម្មក្នុងការជួយសង្គ្រោះប្រជាពលរដ្ឋនៅក្នុងហេតុការណ៍នានា រួមទាំងដំណាក់កាលនៃការការពារការរីករាលដាលនៃជំងឺកូវីដ-១៩ផងដែរ៕
ដោយ ៖ កោះកែវ
ខេត្តសៀមរាបប្រារព្ធពិធីអបអរសាទរទិវាទេសចរណ៍ពិភពលោកក្រោមប្រធានបទ “ទេសចរណ៍ និងសន្តិភាព”
ឯកឧត្តម ហ៊ុន ម៉ានី អញ្ជើញសំណេះសំណាលជាមួយនិវត្តជន តាមមន្ទីរអង្គភាពជុំវិញខេត្ត-ក្រុង-ស្រុក ខេត្តកំពង់ស្ពឺ
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
អ៊ីស្រាអែលអះអាងថាខ្លួនសម្លាប់លោក Nasrallahមេដឹកនាំហេសបូឡា
កូរ៉េខាងជើងចាប់ផ្តើមបោះពុម្ពកាសែតជាភាសាអង់គ្លេសឡើងវិញ ខណៈជនបរទេសចូលមកវិញ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
អ៊ីស្រាអែល ផ្លោងរ៉ុកកែតជាច្រើនចូលរដ្ឋធានីលីបង់ បាញ់ចំទីស្នាក់ការកណ្ដាលក្រុមហេសបូឡា
ព្យុះកំណាច Helene សម្លាប់មនុស្ស៤៣នាក់ នៅរដ្ឋចំនួន៤ របស់អាមេរិក
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ចរាចរណ៍៧ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង