ព័ត៌មានជាតិ

មន្ទីរសុខាភិបាលអំពាវនាវឲ្យសមត្ថកិច្ចជួយឃាត់ខ្លួនបុរសម្នាក់ ដែលបានរត់ចេញពីមណ្ឌលចត្តាឡីស័កឃុំទឹកហូត

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

បុរសជនជាតិវៀតណាមម្នាក់ បានរត់ចេញពីមណ្ឌលចត្តាឡីស័កឃុំទឹកហូត ឆ្ពោះទៅទីក្រុងភ្នំពេញ ត្រូវបានអនុប្រធានមន្ទីរសុខាភិបាលខេត្តកំពង់ឆ្នាំង ឲ្យសមត្ថកិច្ចជួយឃាត់ខ្លួន។

លោក ងិន ចាន់សារ៉េត អនុប្រធានមន្ទីរសុខាភិបាលខេត្តកំពង់ឆ្នាំង នៅរសៀលថ្ងៃទី ១៧ ខែឧសភានេះ បានបញ្ជាក់តាមប្រព័ន្ធតេឡេក្រាមឲ្យដឹងថា បុរសឈ្មោះ សុខ ឡែន អាយុ២៣ឆ្នាំជនជាតិវៀតណាម សង្ស័យថាវិជ្ជមានកូវីដ១៩ រស់នៅភូមិកណ្ដាលសង្កាត់ផ្សារឆ្នាំង ក្រុងកំពង់ឆ្នាំង បានរត់ឡើងរថយន្តឆ្ពោះទៅក្រុងភ្នំពេញ នៅម៉ោង ១១ ថ្ងៃត្រង់នេះ ចេញពីមណ្ឌលចត្តាឡីស័ក ឃុំទឹកហូតស្រុករលាប្អៀរខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះមន្ទីរសុខាភិបាលខេត្តសូមអំពាវនាវដល់សមត្ថកិច្ច ដែលនៅតាមដងផ្លូវបើបានឃើញបុរសដែលមានភិនភាគដូចខាងលើនេះ សូមមេត្តាជួយឃាត់ខ្លួននិងរបាយការណ៍មកមន្ទីរសុខាភិបាលខេត្តកំពង់ឆ្នាំង ដើម្បីទៅទទួលយកមកធ្វើចត្តាឡីស័កបន្តទៀត និងពេលធ្វើចត្តាឡីស័កចាប់នឹងប្រគល់ខ្លួនជូនសមត្ថកិច្ចកសាងសំណុំរឿងបញ្ជូនទៅតុលាការខេត្តផ្ដន្ទាទោសតាមផ្លូវច្បាប់៕

អត្ថបទ៖ ឈៀងថារិទ្ធ

សូមចុចអាន៖ តាកែវ រកឃើញអ្នកឆ្លងជំងឺកូវីដ១៩ ចំនួន៥១នាក់បន្ថែមទៀត ភាគច្រើនជាកម្មកររោងចក្រ