ព័ត៌មានជាតិ
ទ្រូម៉ាន់នី ផ្តល់គ្រឿងឧបភោគបរិភោគដល់ពលរដ្ឋខ្វះខាត ក្នុងតំបន់រងផលប៉ះពាល់ខ្លាំងនៅស្ទឹងមានជ័យ
ក្រុមហ៊ុន ទ្រូម៉ាន់នី ដែលជាក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះមួយនៅកម្ពុជា បានផ្តល់អំណោយដល់ប្រជាពលរដ្ឋដែលកំពុងខ្វះខាតនៅសង្កាត់ស្ទឹងមានជ័យ៣ ក្នុងខណ្ឌមានជ័យ តាមរយៈការផ្តល់ជាគ្រឿងឧបភោគបរិភោគដល់ពលរដ្ឋស្ថិតក្នុងតំបន់ក្រហមក្នុងខណ្ឌនេះ។
ក្រុមការងាររបស់ក្រុមហ៊ុន ទ្រូម៉ាន់នី រួមមានបុគ្គលិក និងថ្នាក់គ្រប់គ្រងរបស់ក្រុមហ៊ុន បានបរិច្ចាគគ្រឿងឧបភោគបរិភោគរាប់រយកញ្ចប់ដល់ពលរដ្ឋដែលកំពុងខ្វះខាតនៅភូមិឬស្សី១ និងភូមិឫស្សី២ ក្នុងសង្កាត់ស្ទឹងមានជ័យ៣ បន្ទាប់ពីសង្កាត់នេះត្រូវបានចាត់ចូលថាជាតំបន់ដែលមានអ្នកឆ្លងច្រើនបំផុតនៅក្នុងវិធានការបិទខ្ទប់ថ្មីៗនេះរបស់សាលារាជធានីភ្នំពេញ។
កញ្ចប់គ្រឿងឧបភោគបរិភោគទាំងនេះដែលរួមមានមី អង្ករ ត្រីខ ឆៃប៉ូវ និងទឹកត្រី ត្រូវបានប្រគល់ជូនមេភូមិនៅទីស្នាក់ការគណបក្សប្រជាជនកម្ពុជានៅសង្កាត់ស្ទឹងមានជ័យ៣។
ក្នុងពេលប្រគល់ជូនអំណោយដល់មន្ត្រីមូលដ្ឋានក្នុងភូមិឬស្សី លោក សូវ៉ាត ដារីយាវិឆ នាយកប្រតិបត្តិ លក់ និងចែកចាយរបស់ក្រុមហ៊ុន ទ្រូម៉ាន់នី បានមានប្រសាសន៍ថា៖ “នេះគឺជាពេលវេលាដ៏លំបាកសម្រាប់ប្រជាពលរដ្ឋកម្ពុជាទាំងអស់ ជាពិសេសពលរដ្ឋដែលស្ថិតក្នុងតំបន់បិទខ្ទប់ក្នុងតំបន់ក្រហម។ ក្នុងនាមជាក្រុមហ៊ុនដែលយកចិត្តទុកដាក់លើប្រជាពលរដ្ឋកម្ពុជាទាំងអស់ យើងប្តេជ្ញាចិត្តជួយដល់ពលរដ្ឋកម្ពុជាយើងដែលជួបប្រទះបញ្ហាប្រឈមទាំងនេះ ដូច្នេះយើងទាំងអស់គ្នាអាចហែលឆ្លងកាត់ការរាតត្បាតរបស់ជំងឺដ៏កាចសាហាវនេះ”។
សង្កាត់ស្ទឹងមានជ័យ៣ កាលពីខែមុនត្រូវបានចាត់ចូលថាជាតំបន់ក្រហមនៅក្នុងវិធានការរបស់សាលារាជធានីភ្នំពេញដើម្បីទប់ស្កាត់ការរីករាលដាលជំងឺកូវីដ-១៩។ នៅដើមខែនេះ សាលារាជធានីភ្នំពេញបានកែប្រែការបែងចែងតំបន់ដោយកាត់បន្ថយទំហំតំបន់បិទខ្ទប់។
លោកស្រី ឃួន ហ្វ្រង់តារា អគ្គនាយិកាផ្នែកយុទ្ធសាស្ត្ររបស់ក្រុមហ៊ុន ទ្រូម៉ាន់នី (ខេមបូឌា) បានថ្លែងថា “យើងសាទរដល់កិច្ចប្រឹងប្រែងរបស់រាជរដ្ឋាភិបាលកម្ពុជា សាលារាជធានីភ្នំពេញ និងអាជ្ញាធរមូលដ្ឋានក្នុងការទប់ស្កាត់ការរាតត្បាតជំងឺកូវីដ-១៩ ហើយយើងចង់ឱ្យប្រាកដថា យើងក៏បានចូលរួមចំណែកក្នុងកិច្ចប្រឹងប្រែងនេះផងដែរនៅក្នុងពេលវេលាដ៏លំបាកនេះ។ ដូច្នេះហើយបានជាយើងសម្រេចចិត្តធ្វើអ្វីដែលយើងអាចធ្វើបានដើម្បីជួយដល់ពលរដ្ឋដែលស្ថិតក្នុងតំបន់រងផលប៉ះពាល់ខ្លាំង”។
ចាប់តាំងពីចាប់ផ្តើមប្រតិបត្តិការក្នុងប្រទេសកម្ពុជាក្នុងឆ្នាំ២០១៦ មក ក្រុមហ៊ុន ទ្រូម៉ាន់នី បានបង្កើតបណ្តាញភ្នាក់ងារបច្ចេកវិទ្យាហិរញ្ញវត្ថុធំបំផុតនៅក្នុងប្រទេសកម្ពុជា។ យោងតាមក្រុមហ៊ុន ទ្រូម៉ាន់នី ក្រុមហ៊ុនមានបណ្តាញភ្នាក់ងារជាង ១ម៉ឺនភ្នាក់ងារ ដែលផ្តល់សេវាហិរញ្ញវត្ថុដល់អ្នកប្រើប្រាស់នៅគ្រប់ទីកន្លែងទាំងអស់នៅកម្ពុជាដែលមិនទាន់មានសេវាធនាគារ។
ក្នុងនាមជាក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះបំផុតនៅតំបន់អាស៊ីអាគ្នេយ៍ ក្រុមហ៊ុន ទ្រូម៉ាន់នីមានភ្នាក់ងារជាង ៦៥.០០០ភ្នាក់ងារដែលផ្តល់សេវាដល់អ្នកប្រើប្រាស់ ៤០លាននាក់នៅក្នុងប្រទេសកម្ពុជា ថៃ មីយ៉ាន់ម៉ា ឥណ្ឌូនេស៊ី ហ្វីលីពីន និងវៀតណាម។ ក្រុមហ៊ុនក៏មានការគាំទ្រផ្នែកបច្ចេកវិទ្យាពីក្រុមហ៊ុន Ant Financial ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន អាលីបាបា ផងដែរ ដែលជួយផ្គត់ផ្គង់សេវានិងបច្ចេកវិទ្យាហិរញ្ញវត្ថុទំនើបៗដ៏មានសុវត្ថិភាពខ្ពស់។
នាពេលបច្ចុប្បន្ន ក្រុមហ៊ុនទ្រូម៉ាន់នី កំពុងផ្តល់សេវាទូទាត់ប្រាក់ជាច្រើនប្រភេទដូចជា សេវាផ្ទេរប្រាក់ក្នុងស្រុក ទូទាត់វិក្កយបត្រ បញ្ចូលលុយទូរស័ព្ទ បង់ប្រាក់កម្ចី និងបើកប្រាក់ខែតាមទូរសព្ទស្មាតហ៊្វូន និងតាមភ្នាក់ងារ។ ទ្រូម៉ាន់នី ស្ថិតក្រោមការគ្រប់គ្រងរបស់ក្រុមហ៊ុន Ascend Money ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Charoen Pokphand Group (CP) និងជាដៃគូសហការរបស់ក្រុមហ៊ុនបច្ចេកវិទ្យាហិរញ្ញវត្ថុ Ant Financial របស់ក្រុមហ៊ុនអាលីបាបា។
សូមបញ្ជាក់ថា ទ្រូម៉ាន់នី គឺជាក្រុមហ៊ុនបច្ចេកវិទ្យាហិរញ្ញវត្ថុអន្តរជាតិឈានមុខគេ និងជាផ្នែកមួយនៃក្រុមហ៊ុន Ascend Money ដែលជាក្រុមហ៊ុនផ្ដល់សេវាហិរញ្ញវត្ថុឌីជីថលបុត្រសម្ព័ន្ធរបស់ក្រុមហ៊ុន Charoen Pokphand Group (CP Group) និងក្រុមហ៊ុន Ant Financial (Alibaba) ដែលជាក្រុមហ៊ុនពីរធំជាងគេបំផុតនៅតំបន់អាស៊ី។ TrueMoney Group គឺជាផ្លែតហ្វមហិរញ្ញវត្ថុដ៏ពេញនិយមបំផុតមួយនៅអាស៊ីអាគ្នេយ៍ នាពេលបច្ចុប្បន្ន។ ទ្រូម៉ាន់នី បានពង្រីកវត្តមានក្នុងទីផ្សាររបស់ខ្លួនពី ១ប្រទេសទៅជា ៦ប្រទេស ក្នុងរយៈពេលដ៏ខ្លីបំផុត។
បច្ចុប្បន្ន ទ្រូម៉ាន់នី មានប្រតិបត្តិការយ៉ាងរឹងមាំនៅក្នុងប្រទេសថៃ កម្ពុជា មីយ៉ាន់ម៉ា ឥណ្ឌូណេស៊ី វៀតណាម និងហ្វីលីពីន។ បច្ចុប្បន្ន ទ្រូម៉ាន់នី មានបណ្ដាញភ្នាក់ងារធំជាងគេបង្អស់ក្នុងតំបន់អាស៊ីអាគ្នេយ៍ ដោយមាន ៦៥.០០០ ភ្នាក់ងារ និងមានបរិមាណទូទាត់ប្រាក់ច្រើនជាងគេបង្អស់ ពោលគឺចំនួន ៨ ពាន់លានដុល្លាអាមេរិក ក្នុងឆ្នាំ២០១៩។ លើសពីនេះ កម្មវិធីទូរស័ព្ទ TrueMoney Wallet ឈរនៅលំដាប់ទី១ នៃកម្មវិធី E-wallet ទាំងអស់ក្នុងប្រទេសថៃ៕
ដោយ ៖ កោះកែវ
អភិបាលខេត្តកំពង់ចាម ណែនាំឲ្យមណ្ឌលសុខភាពពាមកោះស្នា ត្រូវមានបុគ្គលិកបម្រើសេវាសុខាភិបាលឲ្យត្រូវតាមស្តង់ដា
ផ្ទុះការឆ្លងមេរោគ Norovirus ជាចង្កោម ក្នុងមណ្ឌលជនភៀសខ្លួនភ្លើងឆេះព្រៃ នៅ LA
ក្រសួងអប់រំដាក់ឲ្យអនុវត្តជាផ្លូវការថ្នាលអប់រំថ្នាក់បឋមសិក្សាតាមបច្ចេកវិទ្យាឌីជីថល
ក្រុមក្មេងទំនើងដែលបង្ហោះវីដេអូកាំបិតឌឺគូទំនាស់ត្រូវបាននគរបាលខេត្តសៀមរាបបង្ក្រាបបានហើយ
លោក នេត្រ ភក្ត្រា អរគុណពលរដ្ឋដែលជឿជាក់ និងទុកចិត្តលើគណបក្សប្រជាជនកម្ពុជា ក្រោមដំបូលសន្តិភាព ២៦ឆ្នាំ
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
ផ្ទុះការឆ្លងមេរោគ Norovirus ជាចង្កោម ក្នុងមណ្ឌលជនភៀសខ្លួនភ្លើងឆេះព្រៃ នៅ LA
ពិធីឡើងកាន់តំណែងលោក ត្រាំ ផ្លាស់ប្ដូរទៅធ្វើនៅក្នុងវិមានវិញ ព្រោះតែព្យុះព្រិលធ្ងន់ធ្ងរ
Apple ធ្លាក់ចេញពីតំណែងលក់ស្មាតហ្វូនដាច់ជាងគេនៅចិន ចំពេលការប្រកួតប្រជែងកាន់តែខ្លាំង
ក្រុមក្មេងទំនើងដែលបង្ហោះវីដេអូកាំបិតឌឺគូទំនាស់ត្រូវបាននគរបាលខេត្តសៀមរាបបង្ក្រាបបានហើយ
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ សប្តាហ៍ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ១ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
-
ព័ត៌មានជាតិ១ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤