ព័ត៌មានជាតិ
នរណាជាជនរងគ្រោះពិតប្រាកដនៃសំណុំរឿងឧកញ៉ា ហេង សៀ និងនាង មាន ពេជ្ររីតា?
ជម្លោះប្តឹងផ្តល់គ្នារវាងឧកញ៉ាហេង សៀ និងនាង មាន ពេជ្ររីតា នៅតែស្ថិតនៅការប្រទាញប្រទង់គ្នា ហើយអ្នកតាមដានហាក់មិនទាន់អស់ចិត្ត ខណៈដែលតុលាការទើបតែបានចេញសេចក្តីសម្រេចដោះលែងកូនប្រសានិងកូនបង្កើតឧកញ៉ា ហេង សៀ ដែលគេដឹងថាគ្រាន់តែភាគីទី ៣ មិនពាក់ព័ន្ធជម្លោះដោយផ្ទាល់ក្នុងសំណុំរឿងនេះ។
ដើមហេតុជម្លោះកើតក្រោយបណ្តឹងឧកញ៉ា ហេង សៀ ដែលគេស្គាល់ជាឧកញ៉ាមានមុខមាត់មួយរូប បានចោទតារាស្រីជាពិធីការិនីទូរទស្សន៍នាង មាន ពេជ្ររីតា ពីបទលួចទូរសព្ទ និងបង្កឲ្យមានរបួសស្នាម។
ជម្លោះនេះបានឈានដល់តុលាការឃុំខ្លួនតារាស្រីរូបនេះនៅពន្ធនាគារ។ ការសម្រេចឃុំខ្លួននាងមាន ពេជ្រីតា នាំឲ្យមានប្រតិកម្មពីសិល្បៈករជាច្រើន រួមទាំងតារាចម្រៀងលំដាប់ប្រទេសនាង ឱក សុគន្ធកញ្ញា និងប្រធានមេធាវីស្ម័គ្រចិត្តសម្តេចតេជោ លោកគី តិច។
តារាចម្រៀងនាង ឱក សុគន្ធកញ្ញា បានប្រកាសឲ្យជួយរកយុត្តិធម៌ដល់ពិធីការិនីទូរទស្សន៍ នាង មាន ពេជ្ររីតា ខណៈនាងកត់សម្គាល់ថា រាល់ករណីសំណុំរឿងរវាងអ្នកសិល្បៈជាមួយអ្នកមានលុយ ភាគច្រើនជាមួយឧកញ៉ាគឺបាត់ឈឹង ពោលមិនដឹងនរណាឈ្នះ នរណាចាញ់នោះទេ។ ដូច្នេះនាងសូមទទូចហើយទទូចទៀត ឲ្យមានការប្រកាសដឹងជាសាធារណៈ តើភាគីណាឈ្នះនិងភាគីណាចាញ់។
លោក គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោ ក៏ប្រកាសចូលខ្លួនការពារក្តីឲ្យនាង មាន ពេជ្ររីតា លើសំណុំរឿងដ៏រសើបនេះ។
យ៉ាងណាមិញ រឿងនេះកាន់តែស្មុគស្មាញបន្ថែមទៀត ក្រោយពេលសមត្ថកិច្ចបានស្រាវជ្រាវរកឃើញមានពាក់ព័ន្ធដល់កូនប្រសានិងកូនបង្កើតឧកញ៉ា ហេង សៀ ដែលជាភាគីក្រៅជម្លោះ។
តាមការស្រាវជ្រាវពីសមត្ថកិច្ច កូនប្រសាឧកញ៉ា ហេង សៀ ដែលគេដឹងជាម្ចាស់ហាងកាហ្វេ KOI និង Tube Cafe ជាអ្នករៀបចំផែនការប្រឌិតរឿងដើម្បីការពារដល់ឪពុកក្មេក។
តាមការសារភាព បុគ្គលឈ្មោះ ឃន ឈុនតារា បានជួលមនុស្សប្រុសស្រីពីរនាក់ធ្វើត្រាប់តាមថ្ងៃកើតហេតុ ដោយប្រឌិតរឿងខុសពីការពិត ដើម្បីដាក់បន្ទុកចោទប្រកាន់លើនាង មាន ពេជ្ររីតា ថាបានបង្កហិង្សារហូតដល់មានរបួស និងលួចទូរសព្ទ ក្នុងពេលប្រតាយប្រតប់គ្នា។
នៅក្នុងលិខិតបំភ្លឺ និងសុំទោស លោក ឃន ឈុនតារា និង ភរិយា បានទទួលស្គាល់ថាពិតជាបានជ្រើសរើសមនុស្សពីរនាក់ មកដើរតួត្រាប់តាមអង្គហេតុដែលបានកើតឡើងក្នុងរថយន្តនៅថ្ងៃជម្លោះរវាង ឧកញ៉ា ហេង សៀ និងកញ្ញា មានពេជ្ររីតា ពិតមែន ប៉ុន្តែពុំពាក់ព័ន្ធផលិតរូបភាពអាសអាភាសនោះទេ។
ទោះបីមានការដោះលែងភាគីជាកូននិងកូនប្រសារបស់ឧកញ៉ា ហេង សៀ តែមកដល់ពេលនេះនៅមិនទាន់មានស្រាយបំភ្លឺពីឧកញ៉ា ហេង សៀ ជាម្ចាស់ដើមបណ្តឹងផ្ទាល់ ខណៈដែលកំពុងបន្តសម្រាកព្យាបាលនៅមន្ទីរពេទ្យ។ ចំណែកចុងចោទនាង មាន ពេជ្ររីតា ត្រូវបានតុលាការដោះលែងឲ្យនៅក្រៅឃុំ៕
តើនរណាជាជនរងគ្រោះពិតប្រាកដនៃសំណុំរឿងឧកញ៉ា ហេង សៀ និងនាង មាន ពេជ្ររីតា?
ឯកឧត្តម ហ៊ុន ម៉ានី ៖ ការសម្រេចចូលរួមជាមួយគណបក្សប្រជាជន គឺជាការសម្រេចមួយដ៏ឆ្លាតវៃ និងត្រឹមត្រូវ
វិហារអ៊ិស្លាមតម្លៃ ៧ ម៉ឺនដុល្លារត្រូវបានសម្ពោធដាក់ឱ្យប្រើប្រាស់ នៅស្រុកអូរគ្រៀងសែនជ័យ
រដ្ឋមន្រ្តីកសិកម្ម៖ បន្តធ្វើដើម្បីប្រជាជនយើង កុំខ្វល់ពីអ្នករិះគន់អគតិទាំងនោះ
មន្ត្រី៖ ប្រតិភូបណ្តាញយុវជនលើកទី៤ បានចាកចេញពីកម្ពុជាពោរពេញដោយស្នាមញញឹម ភាពស្ញប់ស្ញែង
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
អាមេរិកចង់ឲ្យអ៊ុយក្រែនរៀបចំការបោះឆ្នោតរើសមេដឹកនាំថ្មីនៅចុងឆ្នាំ២០២៥
ក្រោយស្ថាបនារួច ផ្លូវជាតិលេខ២៣ នឹងជំរុញសេដ្ឋកិច្ចស្រុកកោះធំ និងស្រុកលើកដែក
លើកនេះ! អង្គរវត្ត វ៉ាដាច់ បារាំង និងអូស្រ្តាលី ក្លាយជាទីកន្លែងទស្សនាដ៏ល្បីបំផុតក្នុងពិភពលោក
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
ហ្សេលេនស្គី៖ ការចរចារវាងរុស្ស៊ី-អាមេរិក ដោយគ្មានវត្តមានអ៊ុយក្រែន គឺគ្រោះថ្នាក់ណាស់
-
ព័ត៌មានជាតិ៣ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៦ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
សន្តិសុខសង្គម២ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានអន្ដរជាតិ៥ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
បច្ចេកវិទ្យា១ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ៥ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»