ព័ត៌មានជាតិ

៤ ខែដើមឆ្នាំនេះបាតុភូតរន្ទះបាញ់ បណ្តាលឱ្យមនុស្សជាង២០នាក់ស្លាប់ និងរបួស

បានផុស

៤ years មុន

នៅ

ថ្ងៃពុធ ១៩ ឧសភា ២០២១

ដោយ

នៅក្នុងរយៈពេល៤ខែដើមឆ្នាំ២០២១មានបាតុភូតរន្ទះបាញ់បានកើតឡើងចំនួន២៤លើកបណ្ដាលឱ្យមនុស្សស្លាប់ចំនួន១៨នាក់និងរងរបួសចំនួន៦នាក់ និងងាប់គោក្របីចំនួន១៩ក្បាល។ តួលេខនេះមានការកើនឡើងបើប្រៀបធៀបនឹងរយៈពេលដូចគ្នានៅឆ្នាំ២០២០ កើតឡើងចំនួន១៣ លើកនិងស្លាប់មនុស្ស៩នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថាការកើតឡើងនៅក្នុងខែមេសាច្រើនជាងគេរហូតដល់ទៅ១៧លើកក្នុងចំណោមបាតុភូតរន្ទះបាញ់សរុបចំនួន២៤លើកដែលកើតឡើងនៅក្នុងខេត្តចំនួន១០រួមមាន ខេត្តស្វាយរៀង ព្រៃវែង មណ្ឌលគីរី កំពង់ចាម កំពង់ធំ កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ និងខេត្តឧត្តរមានជ័យ ដែលបានបណ្ដាលឱ្យមនុស្សស្លាប់ចំនួន១៤នាក់រងរបួស៥នាក់និងងាប់គោក្របីចំនួន១១ក្បាល។

ក្រសួងធនធានទឹក និងឧតុនិយម បានឱ្យដឹងថាកម្ពុជាកំពុងទទួលរងឥទ្ធិពល Newtral ដែលជាបាតុភូតអន្តរកាលចន្លោះរវាងបាតុភូតElnino(ក្តៅ)និងlanina( ត្រជាក់)ហើយរដូវវស្សានឹងចូលមកដល់នៅសប្តាហ៍ទីមួយនៃខែឧសភាជាមួយនឹងបរិមាណទឹកភ្លៀងដែលធ្លាក់រាយប៉ាយដែលអាចខ្ពស់ជាងមធ្យមភាគច្រើនឆ្នាំនិងអាចមិនមានកូនរដូវប្រាំង៕ អត្ថបទ៖ សំអឿន

Related Topics:រន្ទះបាញ់