ព័ត៌មានជាតិ

អគ្គនាយកដ្ឋាន ក.ប.ប. បង្ក្រាបអាល់កុលក្លែងក្លាយជាបន្តបន្ទាប់រឹបអូសបានចំនួន៤០,៦២៥លីត្រ ស្មើនឹងជាង៤០តោន

បានផុស

៤ years មុន

នៅ

ថ្ងៃពុធ ១៩ ឧសភា ២០២១

ដោយ

មន្ត្រីនៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា ក.ប.ប នៅអំឡុងពេលនៃការរីករាលដាលនៃជំងឺកូវីដ-១៩នេះ បានបង្ក្រាបការនាំចូល និងលក់ចែកចាយទឹកអាល់កុលក្លែងក្លាយ នៅតាមបណ្ដារាជធានី ខេត្តមួយចំនួនសរុប ៤០,៦២៥លីត្រ ស្មើនឹងជាង៤០តោន គិតត្រឹមថ្ងៃទី១៨ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា ទីតាំងលក់អាល់កុលក្លែងក្លាយតាមOnline មួយកន្លែងស្ថិតនៅក្នុងភូមិប្រការ សង្កាត់ព្រៃស ខណ្ឌដង្កោ ត្រូវបានមន្ត្រី នៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា ក.ប.ប. ធ្វើការចុះបង្ក្រាប រឹបអូសបានទឹកអាល់កុលក្លែងក្លាយចំនួន១៨៣កាន ស្មើនឹង៥,៤៩០លីត្រ កាលពីថ្ងៃទី១៨ ខែឧសភា ឆ្នាំ២០២១ម្សិលមិញនេះ ដោយធ្វើឡើងតាមរយៈរូបភាពការបញ្ជាទិញអាល់កុល ដែលដាក់លក់លើបណ្តាញសង្គម Facebook យកមកធ្វើតេស្តនៅមន្ទីរពិសោធន៍របស់អគ្គនាយកដ្ឋាន ក.ប.ប. វិភាគរកសារធាតុមេតាណុល ដែលក្លែងបន្លំជាអាល់កុល ដើម្បីកំណត់អត្តសញ្ញាណ និងឈានដល់ការបង្ក្រាប។

អគ្គនាយកដ្ឋាន ក.ប.ប. សូមអំពាវនាវដល់អាជីវករលក់ដុំ លក់រាយ ម្ចាស់ឱសថស្ថាន ម្ចាស់ផ្សារទំនើប និងអ្នកនាំចូលផលិតផលអាល់កុលទាំងអស់ សូមកុំយកសារធាតុមេតាណុលបន្លំជាអាល់កុលលក់ជូនប្រជាពលរដ្ឋ ព្រោះសកម្មភាពនេះ មិនត្រឹមតែមិនអាចទប់ស្កាត់ការចម្លងមេរោគ ឬបង្កផលប៉ះពាល់ដល់សុខភាពអ្នកប្រើប៉ុណ្ណោះទេ ថែមទាំងនាំដល់ការប្រឈមចំពោះច្បាប់ដល់ខ្លួនថែមទៀតផង៕