បរិវេណតំបន់វិស្សមកាលតារាសាគរត្រូវបានអនុញ្ញាតឲ្យបើកដំណើរការឡើងវិញ ក្រោយបិទមួយរយៈដោយសារកូវីដ១៩

រដ្ឋបាលខេត្តកោះកុងអនុញ្ញាតឲ្យបើកដំណើរការឡើងវិញទាំងស្រុង ក្នុងបរិវេណតំបន់វិស្សមកាលតារាសាគរ (ក្រុមហ៊ុន យូញៀន) នៅស្រុកគិរីសាគរ ចាប់ពីថ្ងៃទី១៨ ខែឧសភា ឆ្នាំ២០២១តទៅ ក្រោយបិទមួយរយៈដោយសារពាក់ព័ន្ធជំងឺកូវីដ១៩។ ជាមួយគ្នានេះ រដ្ឋបាលខេត្តស្នើឲ្យបុគ្គលិកទាំងអស់ បន្ដអនុវត្តវិធានការអនាម័យ និងវិធានការ ៣ការពារ និង៣កុំ ជាប្រចាំ។

នៅក្នុងលិខិតផ្ញើរទៅកាន់អគ្គនាយកក្រុមហ៊ុន UNION DEVELOPMENT GROUP បានបញ្ជាក់ថា ដោយមានកិច្ចសហការ គាំទ្រយ៉ាងល្អពីសំណាក់ក្រុមហ៊ុន ក្រុមគ្រូពេទ្យ និងក្រុមការងារខេត្ត ស្រុក ឃុំ បានអនុវត្តយ៉ាងខ្ជាប់ខ្ជួនតាមវិធានសុខាភិបាល ធ្វើឲ្យអ្នកវិជ្ជមានជំងឺកូវីដ១៩ ទាំងអស់បានជាសះស្បើយ ដោយឡែកបុគ្គលដែលបានធ្វើចត្តាឡីស័កទាំងអស់ ក៏បានអនុវត្តចប់សព្វគ្រប់ ស្របតាមការណែនាំរបស់ក្រសួងសុខាភិបាល។

អត្ថបទ៖ វ៉ាត វិន