រាជធានីភ្នំពេញ លែងមានតំបន់ក្រហមទៀតហើយ ទុកតែតំបន់លឿង និងលឿងទុំ

រដ្ឋបាលរាជធានីភ្នំពេញ នៅថ្ងៃទី ១៩ ខែឧសភានេះ បាន​ប្រកាស​ដកចេញ​តំបន់ក្រហម​ទូទាំង​រាជធានី​ភ្នំពេញ ដោយ​ទុក​តែ​តំបន់លឿង និង​លឿង​ទុំ ក្នុង​វិធានការ​ទប់ស្កាត់ការឆ្លងរាលដាលជំងឺកូវិដ១៩ ។

តំបន់​ដែល​ត្រូវ​បន្ត​ដាក់​ជា​តំបន់​លឿង​ទុំ​មាន​ដូចជា ផ្នែក​ខ្លះ​នៃ​ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ភូមិ២៣ នៃសង្កាត់បឹងកក់ទី២ ខណ្ឌទួលគោក ភូមិត្រពាំងថ្លឹង១ ភូមិត្រពាំងថ្លឹង២ ភូមិត្រពាំងថ្លឺង៤ និងភូមិទួលពង្រ នៃសង្កាត់ចោមចៅទី១ ខណ្ឌពោធិ៍សែនជ័យ ផ្នែកខ្លះនៃភូមិចុងខ្សាច់ និងផ្នែកខ្លះនៃភូមិបាក់ទូក នៃសង្កាត់ទូលសង្កែទី១ ខណ្ឌឬស្សីកែវ និងផ្នែកខ្លះនៃភូមិ ៥ នៃសង្កាត់ស្ទឹងមានជ័យទី២ និងផ្នែកខ្លះនៃភូមិដំណាក់ធំ២ ផ្នែកខ្លះនៃភូមិដំណាក់ធំ៣ និងផ្នែកខ្លះនៃភូមិទ្រា៤ ក្រៅពីនេះ គឺតំបន់លឿងទាំងអស់៕