ព័ត៌មានជាតិ

ទឹកហូរច្រោះទីតាំងស្ថាបនាស្ពានថ្មីអាជ្ញាធរស្រុកសំរោងផ្អាករថយន្ដដឹកទំនិញធ្ងន់ៗជាបណ្ដោះអាសន្ន

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

អាជ្ញាធរស្រុកសំរោងសម្រេចផ្អាករថយន្ដដឹកទំនិញធុនធ្ងន់ជាបណ្ដោះអាសន្ន ខណៈដែលទឹកកំពុងហូរច្រោះទីតាំងស្ថាបនាស្ពានថ្មីមួយកន្លែង នៅស្រុកសំរោង ដែលអាចបង្កការគ្រោះថ្នាក់ជាយថាហេតុចំពោះរថយន្តដឹកទំនិញធុនធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីមន្ត្រីជំនាញមន្ទីរសាធារណៈការនិងដឹកជញ្ជូនខេត្តតាកែវ បានបញ្ជាក់ថា ទឹកបានហូរច្រោះទីតាំងស្ថាបនាស្ពានមួយកន្លែងតាំងពីថ្ងៃទី១៨ ខែឧសភា រហូតមកដល់ព្រឹកថ្ងៃទី២០ ខែឧសភា ឆ្នាំ២០២១នេះ ក៏នៅតែហូរខ្លាំងដដែល ដែលមានទីតាំងស្ពាននៅខាងជើងផ្សារស្វាយព្រៃ នៅបណ្ដោយផ្លូវជាតិលេខ២ ស្ថិតនៅភូមិស្វាយព្រៃ ឃុំលំចង់ ស្រុកសំរោង ខេត្តតាកែវ។

មន្ត្រីដដែលបញ្ជាក់ថា ទឹកបានកំពុងហូរច្រោះខ្លាំង គឺមិនទាន់ជួសជុលស្ពាននិងទំនប់សម្រាប់ផ្លូវវាងរួចរាល់នោះទេ ដូច្នេះសូមបងប្អូនធ្វើដំណើរតាមផ្លូវវាងជាបណ្ដោះអាសន្ន៕

អត្ថបទ ៖ វីរៈ