ព័ត៌មានជាតិ

ពិធីការិនី មាន ពេជ្ររីតា ព្រឹកមិញនេះ បានចូលបំភ្លឺនៅតុលាការ លើសំណុំរឿងបណ្តឹងឧកញ៉ា ហេង សៀ

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

ពិធីការិនី មាន ពេជ្ររីតា បានចូលខ្លួនបំភ្លឺនៅតុលាការនៅព្រឹកមិញនេះ លើបណ្តឹងរបស់ឧកញ៉ាហេង សៀ ជុំវិញបទល្មើសលួចមានស្ថានទម្ងន់ទោស និងការបង្ករបួសស្នាម។

តាមរយៈការឆ្លើយបំភ្លឺចំពោះមុខតុលាការ ពិធីការិនីរូបនេះបានរៀបរាប់នៅថ្ងៃកើតហេតុថា នៅរសៀលថ្ងៃទី០៤ ខែឧសភា ឆ្នាំ ២០២១ ឈ្មោះ ហេង សៀ បានខលមកនាងថាមានអំណោយចែកជូន ហើយសួររកផ្ទះដើម្បីមកជួប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិធីការិនីរូបនេះបន្តថា នៅពេលជួបគ្នាឈ្មោះ ហេង សៀ បានទទូចហៅឲ្យនាងឡើងជិះរថយន្តជាមួយម្តងហើយម្តងទៀត ហើយក៏ថាមានរឿងការងារជជែកជាមួយផងដែរ។ ដោយសារគិតថាជារឿងការងារដែរនោះ នាងក៏ព្រមឡើងជិះរថយន្តជាមួយ។ តែពេលចូលអង្គុយក្នុងរថយន្ត ឈ្មោះ ហេង សៀ បានបើករថយន្តចេញ ហើយចាប់ផ្តើមនិយាយពាក្យមិនសមរម្យ ថាចង់រួមភេទជាមួយនាង ហើយថែមទាំងលូកលាន់ គំរាមថាមានអាវុធទៀតផង។ ដោយអារម្មណ៍តក់ស្លុត វិលវល់ មិនដឹងថាត្រូវធ្វើយ៉ាងម៉េច គឺដឹងតែប្រុងប្រៀបការពារខ្លួន ទប់ស្កាត់មិនឱ្យគាត់លូកលាន់បាន។ ដោយឈ្មោះ ហេង សៀ បន្តបំពានកាន់តែខ្លាំងមកលើរាងកាយ នាងបានស្រវេស្រវាយកកាំបិតពីក្នុងកាបូប មកក្រវាសចុះក្រវាសឡើង បំណងការពារខ្លួនពុំបានដឹងថាត្រូវឈ្មោះ ហេង សៀ ឬអត់នោះទេ។

ទាក់ទងរឿងទូរសព្ទដៃវិញ នាងបានឆ្លើយបំភ្លឺបញ្ជាក់ថា នាងមិនបានដឹងថាជាទូរសព្ទរបស់ឈ្មោះ ហេង សៀនោះទេ ខណៈនៅពេលនាងស្រវាចាប់ទូរសព្ទរត់ចេញពីរថយន្តទាំងភ័យស្លន់ស្លោរ។ ចំណែកជុំវិញការចោទប្រកាន់ថានាងជាស្រីរកស៊ីលក់ខ្លួនម្តង ២០០ដុល្លារ ឬ ៣០០ ដុល្លារ និងថាធ្លាប់បានរួមភេទជាមួយនាង ជាការមួលបង្កាច់ដោយព្រៃផ្សៃថោកទាបបំផុត៕

Related Topics:ឧកញ៉ា ហេង សៀ