ព័ត៌មានជាតិ

៤ខែដើមឆ្នាំនេះ អគ្គិភ័យបានបណ្តាលឱ្យមនុស្សស្លាប់និងរបួសជិត២០នាក់ និងខូចខាតផ្ទះសម្បែងជាង២០០ខ្នង

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

នៅក្នុងរយៈពេល៤ខែដើមឆ្នាំ២០២១នេះ មានគ្រោះអគ្គិភ័យកើតឡើងចំនួន១៩០លើក នៅទូទាំងប្រទេសបណ្តាលឲ្យមនុស្សស្លាប់ចំនួន៥នាក់ និងរបួសចំនួន១៣នាក់ ព្រមទាំងខូចខាតផ្ទះសម្បែងចំនួន២០២ខ្នង។

យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា ក្រៅពីនេះ គ្រោះអគ្គិភ័យក៏បានបណ្តាលឲ្យខូចខាតតូបផ្សារចំនួន៥ ឃ្លាំងទំនិញចំនួន៨ រោងចក្រនិងសិប្បកម្មចំនួន៨ និងអគាររដ្ឋបាលចំនួន១៥កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបានបន្តថា ក្នុងចំណោមគ្រោះអគ្គិភ័យកើតឡើងជ១៩០លើកនោះ ក្នុងនោះនៅរាជធានីភ្នំពេញកើតឡើងចំនួន៤២លើក ខូចខាតផ្ទះសម្បែង៤៤ផ្ទះ តូបផ្សារចំនួន១ឃ្លាំងទំនិញចំនួន៦ រោងចក្រសិប្បកម្មចំនួន២ ស្លាប់មនុស្សចំនួន២នាក់ និងរបួស៩នាក់។

បន្ទាប់មកខេត្តកណ្តាលកើតឡើងចំនួន១២លើក ខូចខាតផ្ទះចំនួន១២ខ្នង និងស្លាប់មនុស្ស១នាក់។ខេត្តបាត់ដំបងស្លាប់មនុស្ស១នាក់ និងខេត្តត្បូងឃ្មុំស្លាប់មនុស្ស១នាក់ផងដែរ។

យោងតាមរបាយការណ៍ខាងលើបានបន្តទៀតថា ចំនួនតួលេខខូចខាតនិងរងគ្រោះខាងលើនេះ បើប្រៀបធៀបទៅនឹងរយៈពេល៤ខែដូចគ្នាឆ្នាំ២០២០កន្លងទៅឃើញថា មានការថយចុះគួរឲ្យគត់សម្គាល់ដោយ៤ខែឆ្នាំមុនមានគ្រោះអគ្គិភ័យបានកើតឡើងចំនួន៣១៧លើកបណ្តាលឱ្យខូចខាតលំនៅដ្ឋានចំនួន៣៤៩ខ្នង តូបផ្សារចំនួន៩៨តូប ឃ្លាំងទំនិញចំនួន២ រោងចក្រសិល្បកម្មចំនួន១៨ អគាររដ្ឋបាលចំនួន២ស្លាប់មនុស្សចំនួន៦នាក់និងរងរបួសចំនួន១៨នាក់៕

អត្ថបទ ៖ សំអឿន

Related Topics:អគ្គិភ័យ