រាជធានី​ភ្នំពេញ លែងមានបម្រាម​គោចរទៀតហើយ

សាលា​រាជធានី​ភ្នំពេញ ប្រកាស​បិទបញ្ចប់​បំរាម​គោចរ និង​អនុញ្ញាត​ឲ្យ​បើក​អាជីវកម្ម​មួយចំនួន​ក្នុង «​តំបន់​លឿង​» ចាប់ពី​ម៉ោង​សូន្យ​ថ្ងៃទី​២២ ខែឧសភា​នេះ​តទៅ។

១. បិទបញ្ចប់បម្រាមគោចរនៅក្នុង “តំបន់លឿង” ដែលពីមុន បានហាមឃាត់ជាបណ្ដោះអាសន្ន នូវ រាល់ការធ្វើចរាចរណ៍ និងរាល់សកម្មភាពការងារ មុខរបរ ឬ អាជីវកម្មនៅចន្លោះម៉ោង ២០ (ម្ភៃ) ដល់ម៉ោង ៣ (បី) ។

២.គ្រប់ទីផ្សារ ភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ និងអាជីវកម្មដ្ឋាន ផ្នែកអាហារ-ភេសជ្ជៈគ្រប់ប្រភេទ អាចដំណើរការអាជីវកម្មជាប្រក្រតី និងអាចទទួលអតិថិជនឱ្យចូលមកទទួលទានក្នុងបរិវេណអាជីវកម្មដ្ឋានឡើងវិញ។

៣.បិទបញ្ចប់ការផ្អាកការលក់គ្រឿងស្រវឹងគ្រប់ប្រភេទ ក្នុងមូលដ្ឋានរាជធានីភ្នំពេញ។