ព័ត៌មានជាតិ

និយោជិត ៨,៦៩៣នាក់ ដែលព្យួរការងារដោយសារកូវីដបានទទួលប្រាក់ឧបត្ថម្ភពីរដ្ឋាភិបាល

បានផុស

៤ years មុន

នៅ

ថ្ងៃសៅរ៍ ២២ ឧសភា ២០២១

ដោយ

រាជរដ្ឋាភិបាលបានបន្តបើកប្រាក់ឧបត្ថម្ភដល់កម្មករនិយោជិតលើកទី៦១ ចំនួន ៨,៦៩៣ នាក់ទៀតដែលបម្រើការងារងារនៅតាមរោងចក្រ សហគ្រាសចំនួន៤៩នៃវិស័យកាត់ដេរ និងវិស័យទេសចរណ៍ ដែលត្រូវបានព្យួរកិច្ចសន្យាការងារ ដោយសា រតែឥទ្ធិពលនៃជំងឺកូវីដ១៩។ ក្នុងចំណោមរោងចក្រ សហគ្រាស៤៩នោះមានរោងចក្រស្ថិតក្នុងវិស័យកាត់ដេរចំនួន១៣រោងចក្រ និងសហគ្រាសក្នុងវិស័យទេសចរណ៍ចំនួន៣៦។

ប្រាក់ឧបត្ថម្ភនេះនឹងត្រូវបើកផ្តល់ជាប្រាក់រៀល និងអាស្រ័យលើចំនួនថ្ងៃ នៃការព្យួរកិច្ចសន្យាការងារ ក្នុងនោះចំនួន៦០៧៥០រៀល ស្មើនឹង១៥$ សម្រាប់ការព្យួរកិច្ចសន្យាការងាររយៈពេល៧ថ្ងៃ ដល់១០ថ្ងៃ។ ចំនួន១២១៥០០រៀលស្មើនឹង៣០$ សម្រាប់ការព្យួរកិច្ចសន្យាការងាររយៈពេល១១ថ្ងៃ ដល់២០ថ្ងៃ និង ១៦២០០០រៀល ស្មើនឹង៤០$ សម្រាប់ព្យួរការងាររយៈពេល២១ថ្ងៃ ដល់១ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានរំលឹកថា ធនាគារឯកទេសវីង នឹងបង្វិលប្រាក់ឧបត្ថម្ភនេះ ជូនរាជរដ្ឋាភិបាលវិញ ប្រសិនជាបងប្អូនខកខាន មិនបានទៅបើកប្រាក់ឧបត្ថម្ភនេះ ក្នុងរយៈពេល១០ថ្ងៃ បន្ទាប់ពីទទួលបានសារតាមទូរសព្ទពីធនាគារឯកទេសវឹង៕

អត្ថបទ៖ សំ អឿន

Related Topics:ព័ត៌មានខ្លីៗ