ព័ត៌មានជាតិ
កម្ពុជា-សហរដ្ឋអាមេរិក ចាំបាច់ត្រូវបង្កើនលំហូរពាណិជ្ជកម្ម និងវិនិយោគទ្វេភាគីថែមទៀត តាមរយៈការអនុវត្តកិច្ចព្រមព្រៀង
នេះជាការលើកឡើងរបស់លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ដ្រីក្រសួងសេដ្ឋកិច្ច និងហិរញ្ញវត្ថុ ខណៈលោកធ្វើជាតំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចូលរួមកិច្ចប្រជុំកំពូលអាស៊ាន-សហរដ្ឋអាមេរិកលើកទី៨ ដែលបានប្រព្រឹត្តទៅ នៅព្រឹកថ្ងៃទី១៤ ខែវិច្ឆិកា នេះ ប្រព័ន្ធវីដេអូ។
តាមលទ្ធផលនៃកិច្ចប្រជុំបានឲ្យដឹងថា ឆ្នាំនេះ គឺជាខួបលើកទី៤៣ នៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក និងខួបលើកទី៥ នៃភាពជាដៃគូយុទ្ធសាស្ត្រ។ ថ្នាក់ដឹកនាំអាស៊ានបានសម្តែងការអបអរសាទរចំពោះការបោះឆ្នោតទូទៅដោយជោគជ័យនៅសហរដ្ឋអាមេរិក នៅក្នុងខែវិច្ឆិកា ឆ្នាំ២០២០នេះ និងបានសម្តែងនូវបំណង ដើម្បីធ្វើឲ្យភាពជាដៃគូយុទ្ធសាស្ត្រជាមួយសហរដ្ឋអាមេរិកកាន់តែស៊ីជម្រៅថែមទៀត។ កិច្ចប្រជុំបានកត់សម្គាល់អំពីការរីកចម្រើន នៃទំនាក់ទំនងរវាងអាស៊ាន និងសហរដ្ឋអាមេរិក រួមមានតាមរយៈការអនុវត្តពេញលេញនូវផែនការការងារ ដើម្បីអនុវត្តភាពជាដៃគូយុទ្ធសាស្ត្រអាស៊ាន- សហរដ្ឋអាមេរិក (២០១៦-២០២០) និងការអនុម័តផែនការការងារថ្មី (២០២១-២០២៥)។
ថ្នាក់ដឹកនាំអាស៊ាន បានកោតសរសើរការបន្តគាំទ្ររបស់សហរដ្ឋអាមេរិក ចំពោះមជ្ឈភាពអាស៊ាន និងកិច្ចខិតខំប្រឹងប្រែងកសាងសហគមន៍អាស៊ាន និងពហុភាគីនិយម បូករួមទាំងកិច្ចសហការក្នុងក្របខ័ណ្ឌទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក។ ក្នុងកិច្ចសប្រតិបត្តិការសេដ្ឋកិច្ច ថ្នាក់ដឹកនាំបានកោតសរសើរចំពោះការងាររបស់ក្រុមប្រឹក្សាធុរកិច្ចអាស៊ាន-សហរដ្ឋអាមេរិក (USABC) ក្នុងការលើកស្ទួយទំនាក់ទំនងកាន់តែរឹងមាំថែមទៀត រវាងសហគមន៍ធុរកិច្ចនៃភាគីទាំងពីរ។ ថ្នាក់ដឹកនាំមានជំហររួមអំពីសារៈសំខាន់នៃកិច្ចសហការ ដើម្បីធ្វើការស្តារសេដ្ឋកិច្ចឡើងវិញ ក្រោយវិបត្តិជំងឺរាតត្បាតកូវីដ-១៩។
ក្នុងកិច្ចសហប្រតិបត្តិការអភិវឌ្ឍន៍ ថ្នាក់ដឹកនាំអាស៊ានបានស្វាគមន៍ការគាំទ្ររបស់សហរដ្ឋអាមេរិក ដល់ការកសាងសហគមន៍អាស៊ានមួយដែលផ្តោតលើប្រជាជន និងយកប្រជាជនជាស្នូល តាមរយៈកម្មវិធីអប់រំ ការកសាងសមត្ថភាព និងកម្មវិធីអភិវឌ្ឍនានា។ ក្នុងស្មារតីនេះ កិច្ចប្រជុំបានអនុម័តសេចក្តីប្រកាសរួមអាស៊ាន-អាមេរិក ស្តីពីការអភិវឌ្ឍធនធានមនុស្ស។
ក្នុងអំឡុងពេលកិច្ចប្រជុំ កម្ពុជាបានសម្តែងនូវការប្តេជ្ញាចិត្តក្នុងការពង្រឹងភាពជាដៃគូ និងបានអំពាវនាវឲ្យមានកិច្ចសហការច្រើនថែមទៀត ពីសហរដ្ឋអាមេរិក ក្នុងការកសាងសមត្ថភាពសហគ្រិនវ័យក្មេង ដើម្បីឲ្ឪយពួកគេវិវត្តរីកចម្រើន និងមានវិបុលភាព នៅក្នុងយុគសម័យសេដ្ឋកិច្ចឌីជីថល និងផ្តល់ការយកចិត្តទុកដាក់លើកិច្ចសហការផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) និងកម្មវិធីអប់រំឌីជីថល។
កម្ពុជាបានសង្កត់ធ្ងន់ថា ភាគីទាំងពីរចាំបាច់ត្រូវបង្កើនលំហូរពាណិជ្ជកម្ម និងវិនិយោគទ្វេភាគីថែមទៀត តាមរយៈការអនុវត្ត “កិច្ចព្រមព្រៀងក្របខ័ណ្ឌវិនិយោគ និងពាណិជ្ជកម្មអាស៊ាន-សហរដ្ឋអាមេរិក ២០២០-២០២១”។ កម្ពុជាបានលើកទឹកចិត្តសហគមន៍ធុរកិច្ចអាមេរិកឱ្យពង្រីក ការវិនិយោគរបស់ពួកគេនៅក្នុងតំបន់អាស៊ាន៕
ដោយ ៖ កោះកែវ
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៨ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២១ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan