ព័ត៌មានជាតិ
អាជីវកររាប់រយនាក់ ដែលធ្លាប់លក់ដូរនៅផ្សារក្រោមនិងផ្សារលើច្បារអំពៅ កំពុងព្រួយបារម្ភដោយគ្មានកន្លែងលក់
អាជីវកររាប់រយនាក់ កំពុងព្រួយបារម្ភ ដែលពីមុនធ្លាប់លក់ដូរនៅផ្សារក្រោមនិងផ្សារលើច្បារអំពៅ ក្រោយអាជ្ញាធរអនុញ្ញាតបើកឲ្យលក់ឡើងវិញ បែរជាពួកគាត់គ្មានកន្លែងលក់ទៅវិញ។
តាមការរៀបរាប់ពីបងប្អូនអាជីវករលក់ដូរតូចតាចតាមកញ្ច្រែងល្អី បានឲ្យដឹងថា ពួកគាត់ប្រមាណជាង៦០០នាក់ ត្រូវបាត់បង់កន្លែងលក់បន្ទាប់ពីអាជ្ញាធរអនុញ្ញាតឲ្យមានការលក់ដូរឡើងវិញ។
អាជីវករលក់ដូរនៅផ្សារក្រោមច្បារអំពៅបានដឹងថា ពួកគាត់សប្បាយចិត្តណាស់ពេលដែលសាលារាជធានីភ្នំពេញអនុញ្ញាតឲ្យបើកផ្សារលក់ដូរឡើងវិញ ចាប់ពីថ្ងៃទី២៤ ខែឧសភានេះតទៅ។ ប៉ុន្តែអ្វីៗត្រូវខកចិត្ត ដោយសារតែពួកគាត់ដែលលក់ដូរតាមកញ្ជើ ល្អី តូចតាចមិនមានឲ្យលក់ដូរដូចមុន គឺបានត្រឹមអ្នកមានតូបលក់ដូរប៉ុណ្ណោះ។ អាជីវករបន្តថា ពួកគាត់ពីមុនមក គឺលក់ដូរជុំវិញផ្សារប្រមាណជា៣០ឆ្នាំមកហើយ ហើយមិនដឹងថា ពួកគាត់មានអ្វីសង្ឃឹមរកលុយទិញអង្ករឲ្យកូនចៅហូបបានបើគេមិនឲ្យលក់។


តាមការអះអាងរបស់អាជីវករ គឺបងប្អូនអាជីវករលក់តាមកញ្ច្រែងកញ្ជើ ដែលរកលុយបានមួយថ្ងៃសម្រាប់មួយថ្ងៃត្រូវ បានបញ្ចប់បន្ទាប់ពីការបិទខ្ទប់អស់ជាច្រើនថ្ងៃមកហើយ ដែលពួកគាត់សរុបមិនក្រោម៦០០នាក់។

ទាក់ទិនទៅនិងការមិនអនុញ្ញាតឲ្យមានការលក់ដូរជុំវិញផ្សារនេះ លោក សាន់ ប៊ុនណា ប្រធានគ្រប់គ្រងផ្សារបន្លែច្បារអំពៅបានឲ្យកម្ពុជាថ្មីដឹងថា លោកមិនហ៊ានបញ្ចេញយោបល់ទេ សូមសួរទៅសាលារាជធានី ព្រោះផែនការនេះ គឺសាលារាជធានីភ្នំពេញបានដាក់ឲ្យថ្នាក់ក្រោមអនុវត្ត។ ដោយឡែកបងប្អូនអាជីវករបានសំណូមពរដ៏ទទូចសុំឲ្យប្រមុខរាជរដ្ឋាភិបាល ជួយដល់ពួកគាត់ផង បើពុំដូច្នោះពួកគាត់ច្បាស់ជាដាច់បាយហើយ៕
អត្ថបទ៖ នរា
សូមចុចអាន៖ រដ្ឋមន្ត្រីកសិកម្មលើកទឹកចិត្តកសិករដាំដុះបន្លែសុវត្ថិភាពដើម្បីកាត់បន្ថយការនាំចូល

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៣ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់