ព័ត៌មានជាតិ

កម្លាំងនគរបាល២ខេត្ត សហការណ៍គ្នាបង្ក្រាបករណីគ្រឿងញៀន

បានផុស

៣ years មុន

នៅ

ថ្ងៃចន្ទ ២៤ ឧសភា ២០២១

ដោយ

អនុវត្តតាមការសម្របសម្រួលនីតិវិធីពីលោក ឈា រីម៉ារ៉ូ ព្រះរាជអាជ្ញារងអមសាលាដំបូងខេត្តកំពត និងតាមការណែនាំផ្ទាល់ពីលោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប នៅរសៀលថ្ងៃទី២៣ ខែឧសភា ឆ្នាំ២០២១ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកែប សហការជាមួយនគរបាលខេត្តកំពត ចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀនដោយខុសច្បាប់ នៅចំណុចភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការបង្ក្រាបខាងលើនេះ សមត្ថកិច្ចចាប់ជនសង្ស័យម្នាក់ឈ្មោះ ពេជ្រ ស្រីណា ភេទស្រី អាយុ២៦ឆ្នាំ រស់នៅភូមិ សង្កាត់កើតហេតុខាងលើ និងដកហូតបានវត្ថុតាងមួយចំនួនរួមមាន៖ ម្សៅក្រាមពណ៌សថ្លាចំនួន២កញ្ចប់ ទម្ងន់ ៤,៨២ក្រាម ថ្លឹងទាំងថង់, ទូរសព្ទ២គ្រឿង, ជញ្ជីងថ្លឹងថ្នាំញៀន១គ្រឿង និងសម្ភារៈវេចខ្ចប់មួយចំនួនធំ។

ក្រោយឃាត់ខ្លួនជនសង្ស័យរួមទាំងវត្ថុតាងកម្លាំងបានបញ្ជូនមកស្នងការដ្ឋាននគរបាលខេត្តកែប ដើម្បីសាកសួរ និងបានកសាងសំណុំរឿងបញ្ជូនទៅសាលាដំបូងខេត្តកំពត ដើម្បីអនុវត្តនីតិវិធីច្បាប់នៅព្រឹកនេះរួចហើយ៕

អត្ថបទ ៖ សេង ណារិទ្ធ