ព័ត៌មានជាតិ

មនុស្ស៨នាក់បានស្លាប់ និង៣៣នាក់ទៀតកំពុងបញ្ជូនទៅសង្គ្រោះសង្ស័យពុលស្រាស

បានផុស

៣ years មុន

នៅ

ថ្ងៃចន្ទ ២៤ ឧសភា ២០២១

ដោយ

កំពត ៖ មនុស្ស៨នាក់(ក្នុងនោះស្រី២នាក់)បានស្លាប់ជាបន្តបន្ទាប់ និង៣៣នាក់ទៀត ត្រូវបានដឹកមកកាន់មន្ទីរពេទ្យ ក្នុងករណីសង្ស័យពុលស្រា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះករណីដូចខាងលើនេះ ត្រូវបានអ្នកភូមិបញ្ជាក់ឲ្យដឹងថា គឺកើតឡើងនៅចំណុចភូមិធ្នង់ ឃុំឫស្សីស្រុកខាងកើត ស្រុកកំពង់ត្រាច ខេត្តកំពត។ ប្រភពដដែលបានរៀបរាប់ទៀតថា កាលពីយប់ថ្ងៃទី២១ ខែឧសភា ឆ្នាំ២០២១ ពលរដ្ឋចំនួនដូចរៀបរាប់ខាងលើបានទៅចូលរួមកំដរសពអ្នកភូមិ ដោយខណៈនោះក៏មានហូបចុកគ្រឿងស្រវឹង(ស្រា ស)ផងដែរ។

លុះហូបចុកបានបន្តិច ក៏ស្រាប់តែពលរដ្ឋទាំងនោះមានអាការៈចុកពោះ ក្អួតចង្អោរទើបសាច់ញាតិដឹកមកកាន់មន្ទីរពេទ្យដើម្បីជួយសង្គ្រោះ ហើយនៅយប់ថ្ងៃទី២១ ខែឧសភា ក៏មានពលរដ្ឋស្លាប់ម្នាក់។ លុះចូលដល់ព្រឹកថ្ងៃទី២៣ ខែឧសភា ស្លាប់២នាក់ទៀត និងចូលមកដល់ព្រឹកថ្ងៃទី២៤ ខែឧសភា ឆ្នាំ២០២១នេះ ក៏មានអ្នកស្លាប់រហូតដល់៥នាក់ទៀត សរុបអ្នកស្លាប់បើគិតមកដល់រសៀលនេះ គឺមានចំនួន៨នាក់ ឯអ្នកកំពុងសម្រាកព្យាបាលចំនួន៣៣នាក់។

ក្រោយពីមានករណីពលរដ្ឋមានអាការៈក្អួតចង្អោរ រហូតមានអ្នកស្លាប់បែបនេះ អាជ្ញាធរ មានក្រុមគ្រូពេទ្យបង្អែកស្រុកកំពង់ត្រាច និងនគរបាលខេត្តកំពត រួមទាំងនគរបាលស្រុកនិងអភិបាលស្រុកកំពង់ត្រាច បានចុះមកពិនិត្យដល់លំនៅឋានសពនីមួយៗ៕

ដោយ ៖ សេង ណារិទ្ធ