ថ្ងៃនេះខេត្តកំពង់ឆ្នាំង ប្រកាសរកឃើញវិជ្ជមានកូវីដថ្មី ចំនួន ០៧ នាក់បន្ថែមទៀត

នៅថ្ងៃទី២៤ ខែ ឧសភា ឆ្នាំ២០២១នេះ រដ្ឋបាលខេត្តកំពង់ឆ្នាំង បានប្រកាសរកឃើញករណីវិជ្ជមានកូវីដ-១៩ ចំនួន ០៧នាក់ ថ្មីបន្ថែមទៀត ដែលជាកម្មករ កម្មការិនី បម្រើការងារនៅរោងចក្រ ហឹរ៉ាយ ហ្សិន អៅដរ(Horizon Outdoor) រោងចក្រ តឹកហ្វុក (Toek Fuk) រោងចក្រធី អេស ជី(TFG) និងរោងចក្រខេនស្ព័តស៊ូ (Can sport Shoes) ស្ថិតនៅក្នុងភូមិផ្សារត្រាច, ភូមិលង្វែក, ភូមិអន្លុងត្នោត ឃុំលង្វែក ស្រុកកំពង់ ត្រឡាច និងភូមិចំការស្វាយ ស្រុកសាមគ្គីមានជ័យ ខេត្តកំពង់ឆ្នាំង។ ក្នុងនោះ មានក្នុងនោះដែរ ស្រុកសាមគ្គីមានជ័យ មាន ០១នាក់ និងស្រុកទឹកផុស ០៦នាក់។

គិតមកដល់ថ្ងៃ 24 ខែឧសភានេះខេត្តកំពង់ឆ្នាំងមានអ្នកវិជ្ជមានកូវីដ១៩ សរុបចំនួន ១៦៨ នាក់ ស្រី ១២៨ នាក់ ។ អ្នកជាសះស្បើយសរុបចំនួន ២៩នាក់ ស្រី១៤នាក់។ អ្នកស្លាប់សរុបមានចំនួន ២នាក់ ស្រី ១នាក់ និងកំពុងសម្រាកព្យាបាល ១៣៧ នាក់ ក្នុងនោះ ស្រី ១១៣ នាក់ ៕ អត្ថបទ៖ ឈៀងថារិទ្ធ