ព័ត៌មានជាតិ

លោក វង សូត ជម្រុញឲ្យក្រុមការងារតាមមូលដ្ឋានបន្តប្រឹងប្រែងបំរើសេវាសាធារណៈជូនពលរដ្ឋបានឆាប់រហ័ស

បានផុស

៤ years មុន

នៅ

ថ្ងៃពុធ ២៦ ឧសភា ២០២១

ដោយ

កណ្តាល ៖ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងនូវការជម្រុញឲ្យមការងារតាមថ្នាក់មូលដ្ឋានបន្តប្រឹងប្រែងបំរើសេវាសាធារណៈជូនពលរដ្ឋបានលឿនតាមដែលអាចធ្វើបានឲ្យ ដើម្បីបំរើសេចក្តីត្រូវការរបស់ពួកគាត់។ លោក វង សូត ថ្លែងបែបនេះខណៈពេលដឹកនាំមន្ត្រីជំនាញ រួមទាំងលោកគង់ សោភ័ណ្ឌ អភិបាលនៃគណៈអភិបាលខេត្តកណ្ដាល អញ្ជើញចុះពិនិត្យសំណង់អគារមជ្ឈមណ្ឌលយុវនីតិសម្បទា ដែលស្ថិតនៅភូមិបាគូ ឃុំបាគូស្រុកកណ្ដាល ស្ទឹងខេត្តកណ្ដាលនៅថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រីវង សូត បានថ្លែងថា ជាការពិតណាសក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីបានដឹកនាំប្រទេសមានសុខសន្តិភាព និងបានដាក់ចេញនូវវិធានការជាច្រើន ក្នុងន័យពង្រឹង និងធ្វើឲ្យប្រសើរឡើងនូវ ភូមិ ឃុំ មានសុវត្ថិភាព ក៏ដូចជា គោលនយោបាយគាំពារសង្គមផ្សេងៗ ដើម្បីធ្វើឲ្យជីវភាពរស់នៅរបស់ប្រជាពលរដ្ឋក្រីក្រនិងជនងាយរងគ្រោះពិសេសទទួលផលប៉ះពាល់ដោយជម្ងឺរាតត្បាតកូវីដ១៩តែម្តងឲ្យបានប្រសើរឡើង វិញ។ រាជរដ្ឋាភិបាលការដាក់ឲ្យអនុវត្តនូវការផ្តល់សាច់ប្រាក់ជូនដល់ប្រចាពលរដ្ឋ ក្រ១ និង ក្រ២ ខណៈមេរោគកូវីដ១៩ បាននឹងកំពុងរាត្បាតនៅលើពិភពលោកដោយមានអ្នកឆ្លងរាប់រយលាននាក់និងស្លាប់ជាច្រើនលាននាក់ទៅហើយនោះ។ ។ ចំណែកសំណង់អាគារនេះគឺជាមណ្ឌលសុខភាពដែលកសាងឡើងដើម្បីបំរើសេវាសុខភាពជូនពលរដ្ឋនិងកាសម្រាកព្យាបាល ជម្ងឺផ្សេងៗ។

ដូច្នេះមន្ត្រីពាក់ព័ន្ធគ្រប់លំដាប់ថ្នាក់ត្រូវតែបន្តចុះតាមដានដល់មូលដ្ឋានផ្ទាល់ជួយសង្គ្រោះបន្ទាន់ចំពោះពលរដ្ឋដែលទីទាល់ក្រ ជនងាយរងគ្រោះដើម្បីផ្ដល់ជំនួយរបស់រាជរដ្ឋាភិបាលក៍ដូចជំនួយសប្បុរសធម៏ជូនដល់ពួកគាត់ភ្លាមៗពីព្រោះរាជរដ្ឋាភិបាលមិនទុកឲ្យពលរដ្ឋណាម្នាក់ស្លាប់ដោយអត់បាយឡើយ៕

ដោយ ៖ វិមាន