ព័ត៌មានជាតិ

បរិមាណទឹកភ្លៀងដែលបានធ្លាក់នៅខេត្តឧត្តរមានជ័យ មានកម្រិតពី១០៨,៦ – ១៤០,៨មីលីម៉ែត្រ

បានផុស

៤ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ឧត្តរមានជ័យ ៖ នៅល្ងាចថ្ងៃទី២៧ ខែឧសភា ឆ្នាំ២០២១នេះ លោក ញីន កួន ប្រធានមន្ទីរធនធានទឹកនិងឧតុនិយមខេត្ត បានឲ្យដឹងថា បវិមាណទឹកភ្លៀងដែលបានធ្លាក់នៅក្នុងខេត្តឧត្តរមានជ័យ ក្នុងកម្រិតពី១០៨,៦ – ១៤០,៨មីលីម៉ែត្រ នៅតំបន់ផ្ទៃរងទឹកភ្លៀងអាងទឹក០៥ ស្ថិតនៅឃុំអូរស្វាយ ស្រុកត្រពាំងប្រាសាទ និងអាងទឹកតាម៉ុក ស្ថិតនៅឃុំអន្លង់វែង ស្រុកអន្លង់វែង ខេត្តឧត្តរមានជ័យ បានបង្កឲ្យកម្ពស់ទឹកក្នុងអាងហក់ឡើងលើសកម្រិតតម្កល់ទុក បរិមាណធារទឹកបានហូរកាត់លើសំណង់បង្ហៀរកម្ពស់០,១០ – ០,១៥ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទ្វារទឹកនេះត្រូវហូរចូលអាងទឹកថ្មី អាងទឹកស្ទឹងស្រែងទី២ និងបន្តចូលអាងទឹកស្ទឹងស្រែងទី១ ស្ថិតនៅឃុចុងកាល់ ស្រុកចុងកាល់ ស្របពេលដែលក្រុមការងារមន្ទីរធនធានទឹក និងឧតុនិយមខេត្តឧត្តរមានជ័យ កំពុងតែបន្តបញ្ជូនទឹកទៅស្រោចស្រពដំណាំស្រូវរបស់ប្រជាពលរដ្ឋដែលត្រូវការទឹកចំនួន ៣៨០០ហិកតា ស្ថិតនៅស្រុកក្រឡាញ់ ខេត្តសៀមរាប និងស្រុកភ្នំស្រុក ស្រុកព្រះនេតព្រះ ខេត្តបន្ទាយមានជ័យ ផងដែរ៕

ដោយ ៖ ចាន់ ធី