ព័ត៌មានជាតិ
បុរសម្នាក់លោតទឹកសម្លាប់ខ្លួនមិនស្លាប់ តែខំហែលមកគោកវិញ
បុរសម្នាក់មិនដឹង មានវិបត្តិអ្វី បានសម្រេចចិត្តជិះម៉ូតូមួយគ្រឿងតម្រង់មកលើស្ពានជ្រោយចង្វាចាស់ រួចលោតទឹកសម្លាប់ខ្លួន តែពេលដល់ក្នុងទឹកខំហែលមកលើគោកវិញ បង្កឲ្យមានការភ្ញាក់ផ្អើល នៅវេលាម៉ោង៩និង៣០នាទីយប់ កាលពីថ្ងៃទី១៥ ខែវិច្ឆិកា ឆ្នាំ២០២០ នៅលើស្ពានជ្រោយចង្វាចាស់ ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
តាមអ្នកឃើញហេតុការណ៍និយាយថា មុនពេលកើតហេតុ គេឃើញបុរសខាងលើនេះ ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ 1HE-0780 មកឈប់ នៅលើស្ពានជ្រោយចង្វាចាស់ប៉ែកខាងកើត ហើយក៏ដើរទៅតោងឡើងបង្កាន់ដៃស្ពានលោតចុះទៅក្នុងទឹកបាត់ ដោយបន្សល់ទុកទូរស័ព្ទដៃ១គ្រឿង លុយចំនួន៤ម៉ឺនរៀល និងខ្សែដៃ១ខ្សែ ទុកនៅលើកែបម៉ូតូរបស់ខ្លួន ហើយសមត្ថកិច្ចបានយកម៉ូតូ និងសម្ភារជនរងគ្រោះទៅរក្សាទុក នៅប៉ុស្តិ៍នគរបាលជ្រោយចង្វា ជាបណ្ដោះអាសន្នសិន។
លុះក្រោយមក ប្រមាណជាង១០នាទី គេក៏ឃើញបុរសនោះហែលតោងទូកអ្នកនេសាទឡើងលើគោកវិញ នៅម្តុំវត្តភ្នំ ក្នុងខណ្ឌដូនពេញ ដោយទំនងគាត់នៅមិនទាន់អស់អាល័យពីជីវិត ក៏ខំប្រឹងហែលមកលើគោកវិញបែបនេះ។ បើទោះយ៉ាងណា បុរសខាងលើ មិនបានប្រាប់អត្តសញ្ញាណឬមូលហេតុនោះទេ។ ក្រោយកើតហេតុ បុរសរូបនោះ ត្រូវបានសមត្ថកិច្ចដឹកបញ្ជូនទៅកាន់ប៉ុស្តិ៍នគរបាលជ្រោយចង្វា ដើម្បីធ្វើការសាកសួរ និងណែនាំអប់រំ រួចទាក់ទងទៅក្រុមគ្រួសារ និងសាច់ញាតិមកទទួលយកទៅផ្ទះវិញ៕
អត្ថបទ៖ ឌីរៀ
សូមចុចអាន៖ ទឹកកួចយកបុរសម្នាក់ ពេលទៅបង់ត្រី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)