នៅ​ភ្នំពេញ ប្រជាជន​ជិត២លាននាក់ បានចាក់វ៉ាក់សាំងការពារ​កូវីដ-១៩

ភ្នំពេញ៖ គិតត្រឹមថ្ងៃ២៧ឧសភានេះ ប្រជាពលរដ្ឋរស់នៅភ្នំពេញចំនួនជិត២លាននាក់ហើយ ដែលទទួលបានការចាក់វ៉ាក់សាំងការពារកូវីដ-១៩។

តាមការកំណត់របស់រាជរដ្ឋាភិបាល ពលរដ្ឋ​រស់នៅទីក្រុងភ្នំពេញ នឹងទទួលបានការចាក់វ៉ាក់សាំងការពារកូវីដ-១៩ គ្រប់គ្នា យ៉ាងយូរបំផុតក្នុងអំឡុងខែមិថុនា ឆ្នាំ២០២១ខាងមុខនេះ។

ជាក់ស្តែង ចាប់ពីថ្ងៃទី១៨កុម្ភៈ រហូតមកដល់ថ្ងៃទី២៧ ឧសភា ២០២១នេះ ប្រជាពលរដ្ឋនៅភ្នំពេញចំនួន ​១ ៩១៤ ៦៤១​នាក់​​ហើយ ដែលទទួលបានការចាក់វ៉ាក់សាំងការពារកូវីដ-១៩ ក្នុងនោះ​តួលេខ​នៅថ្ងៃ​ទី២៦ ឧសភា មានចំនួន​១ ៨២១ ៥៥៩នាក់ និងតួលេខនៅថ្ងៃទី២៧ឧសភា​មាន​ចំនួន៩៣០៨២នាក់ទៀត ដែលធ្វើអោយចំនួនអ្នកចាក់បានកើនឡើងរហូតដល់ចំនួន ១ ៩១៤ ៦៤១នាក់។ នេះបើយោងតាមរបាយការណ៍របស់រដ្ឋបាលរាជធានីភ្នំពេញ ចុះថ្ងៃ​ ២៨​ឧសភា​ឆ្នាំ២០២១នេះ៕

អត្ថបទ៖ ស្រីរ័ត្ន