សម្ដេចតេជោ ហ៊ុន សែន៖ ផែនការមេនៃការចាក់វ៉ាក់សាំង គឺយើងប្រើយុទ្ធសាស្ត្រ “ផ្ការីក”

ថ្លែងប្រាប់មន្ត្រីពាក់ព័ន្ធ និងប្រជាពលរដ្ឋកម្ពុជា តាមរយៈសារសំឡេងជាសាធារណ នាព្រឹកថ្ងៃទី២៩ ខែឧសភា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ច្បាស់ៗថា៖ រាជរដ្ឋាភិបាលបានដាក់ចេញនូវផែនការមេ  ដែលជាយុទ្ធសាស្ត្រសម្រាប់ការចាក់វ៉ាក់សាំង គឺយើងប្រើយុទ្ធសាស្ត្រ “ផ្ការីក” ដោយចាក់ពីក្នុងចេញក្រៅ។

ប្រមុខរាជរដ្ឋាភិបាល សម្ដេចតេជោ សង្កត់ធ្ងន់បន្ថែមទៀតថា យើងមិនអាចប្រើវាក់សាំងត្រង់នេះបន្តិច ត្រង់នោះបន្តិចបានទេ បើធ្វើដូច្នេះនឹងមិនទទួលបានផលក្នុងការចាក់វ៉ាក់សាំងនោះទេ។ ទីក្រុងភ្នំពេញ គឺជាអាទិភាពខ្ពស់បំផុត ហើយបន្តទៅ​ទីប្រជុំជននៅខេត្តកណ្ដាល បន្ទាប់មក គឺនៅតាមទីប្រជុំជន ទីរួមខេត្ត និងតំបន់រោងចក្រដែលមានកម្មករកកកុញ៕ អត្ថបទ៖ កោះកែវ