ព័ត៌មានជាតិ

ប៉ូលិសការិយាល័យអន្តោប្រវេសន៍ម្នាក់ ស្លាប់លើទ្រូងផ្លូវ សង្ស័យរថយន្តធុនធ្ងន់បុក

បានផុស

៤ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

បុរសម្នាក់ត្រូវគេប្រទះឃើញស្លាប់បាត់បង់ជីវិតលើដងផ្លូវជាតិលេខ ៣៣ កាលពីវេលាម៉ោងប្រហែល ៤ ទៀបភ្លឺ ថ្ងៃទី ២៩ ខែឧសភា ឆ្នាំ ២០២១ ត្រង់ចំណុចភូមិកំពង់ត្នោត ឃុំកូនសត្វ ស្រុកទឹកឈូ ខេត្តកំពត ចន្លោះបង្គោលគីឡូម៉ែត្រលេខ ១១-១២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទិនករណីនេះ សមត្ថកិច្ចខេត្តកំពតបានឲ្យដឹងថា កាលពីវេលាម៉ោងខាងលើមានរថយន្តបង្កធុនធំមិនស្គាល់ម៉ាក ទិសដៅពីលិចទៅកើត បានប៉ះមនុស្សដើរឆ្លងផ្លូវបណ្ដាលឲ្យស្លាប់នៅកន្លែងកើតហេតុ។ រថយន្តបង្ក ក៏បានបើករត់គេចបាត់ស្រមោលតែម្តង។

ប្រភពបន្តថា ជនរងគ្រោះ ឈ្មោះ អ៊ៅ ចន្ថា ភេទប្រុស អាយុ ៥៤ ឆ្នាំ រស់នៅភូមិអូរក្រសារ សង្កាត់អូរក្រសារ ក្រុងកែប ខេត្តកែប មានតួនាទីជាប៉ូលិសនៅការិយាល័យអន្តោប្រវេសន៍ នៃស្នងការនគរបាលខេត្តកំពត។

បន្ថែមពីនោះ មុនពេលជួបគ្រោះថ្នាក់ ជនរងគ្រោះ បានឈប់ចតរថយន្តអែបខាងផ្លូវខាងស្ដាំ ត្រង់កន្លែងកើតហេតុ ហើយចុះដើរឆ្លងផ្លូវទៅខាងឆ្វេង ទើបមានរថយន្តធុនធំបុកបណ្តាលឲ្យបែកលលាដ៍ក្បាល(ស្លាប់)នៅកន្លែងកើតហេតុតែម្ដង។

បច្ចុប្បន្ន សព និងរថយន្តរបស់ជនរងគ្រោះ សមត្ថកិច្ចបានប្រគល់ជូនប្រពន្ធ និងកូនយកទៅធ្វើបុណ្យតាមប្រពៃណីនៅលំនៅដ្ឋាន៕

អត្ថបទ ៖ សេង ណារិទ្ធ