រដ្ឋមន្ត្រីបញ្ជាក់៖ សម្តេចតេជោ មិនទុកឱ្យពលរដ្ឋណាម្នាក់ស្លាប់ដោយដាច់ពោះឡើយ

«រាជរដ្ឋាភិបាលក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីបានយកចិត្តទុកដាក់ខ្ពស់ចំពោះសុខទុក្ខពលរដ្ឋនៅទូទាំងប្រទេសជាធំពិសេសជនមានពិការភាពដោយប្ដេជ្ញាថា មិនទុកឲ្យពលរដ្ឋណាម្នាក់នៅឯកោឬស្លាប់ដោយដាច់ពោះឡើយទោះនៅតំបន់ដាច់ស្រយ៉ាលយ៉ាងណាក៍ដោយ»។ នេះជាការលើកឡើងរបស់លោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទាក្នុងឱកាសចែកអំណោយសប្បុរសធម៌របស់មូលនិធិជនពិការជូនជនពិការក្រីក្រដែលរងផលប៉ះពាល់ពីការរាលដាលនៃជំងឺកូវីដ១៩ចំនួន ១០០នាក់ និងប្រជាពលរដ្ឋរងគ្រោះដោយសារខ្យល់កន្ត្រាក់ចំនួន ១៧នាក់ នៅឃុំកណ្តោជ្រុំ ស្រុកពញាក្រែក ខេត្តត្បូងឃ្មុំ។

លោកបន្តថា កន្លងមករាជរដ្ឋាភិបាលកម្ពុជាដាក់ចេញនូវកម្មវិធីផ្តល់ជាថវិកាឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងជំងឺកូវីដ១៩៕ អត្ថបទ៖វិមាន