ករណីវីដេអូផ្ទុះហឹង្សាកាប់គេឆៅៗមុខហាងកាហ្វេ ថ្ងៃមុន ផ្តេីមចេញពីសង្សារបែកចិត្ត

ក្រោយចាប់ខ្លួននឹងបានបញ្ជូនទៅសាលាដំបូងខេត្តតាកែវ នៅព្រឹកថ្ងៃទី៣១ ខែឧសភា ឆ្នាំ២០២១ ជនសង្ស័យសារភាពថា ព្រោះតែខឹងសង្សារខ្លួនទៅទាក់ទងស្រឡាញ់គ្នានឹងជនរងគ្រោះ ទេីបធ្វេីឲ្យខ្លួនទប់ចិត្តមិនបានក៏ធ្វេីសកម្មភាពហឹង្សាតែម្តងទៅ។

លោក ឡេង ប៊ុនឡុង អធិការនគរបាលស្រុកព្រៃកប្បាស បានឲ្យដឹងថា៖ ជនសង្ស័យ
ឈ្មោះ អ៊ាង សុខេង ភេទប្រុសអាយុ ២៤ឆ្នាំ រស់នៅភូមិក្តាញ់ ឃុំក្តាញ់ ស្រុកព្រៃកប្បាស ខេត្តតាកែវ និងបក្ខពួក បានធ្វើសកម្មភាពហឹង្សា ទៅលើឈ្មោះ សុខ ដារា ភេទប្រុសអាយុ ១៩ឆ្នាំ កាលពីថ្ងៃទី១៦ខែឧសភាវេលាម៉ោង១៧និង១០នាទី ចំណុចហាងកាហ្វេ១កន្លែង ស្ថិតនៅភូមិកំពែងត្បូង ឃុំកំពែង ស្រុកព្រៃកប្បាស ទៅលើជនរងគ្រោះ។ អត្ថបទ៖ វីរៈ