ព័ត៌មានជាតិ

រដ្ឋបាលខេត្តកំពត សម្រេចផ្អាកអាជីវកម្ម កាស៊ីណូ តាមបណ្តាច្រកទ្វារព្រំដែន ខណៈជំងឺកូវីដ-១៩ រាតត្បាត

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

បន្ទាប់ពីមានករណីឆ្លងជំងឺកូវីដ-១៩ ជាច្រើននាក់នៅក្នុងតំបន់ភូមិសាស្ត្រខេត្តកំពត ពិសេសភូមិសាស្ត្រច្រកទ្វារព្រំដែន រដ្ឋបាលខេត្តកំពត បានសម្រេចបិទផ្អាកអាជីវកម្ម កាស៊ីណូ នានា ដែលស្ថិតក្នុងច្រកទ្វារព្រំដែន ដូចជាកាស៊ីណូ ច្រកទ្វារទ្វេភាគី តន់ហន់ ឃុំព្រែកក្រឹស ស្រុកកំពង់ត្រាចមួយកន្លែង និងកាស៊ីណូ ចំនួន២កន្លែងទៀត នៅច្រកទ្វារព្រំដែនអន្តរជាតិព្រែកចាក ក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត នៅរសៀលថ្ងៃទី៣០ ខែឧសភា ឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបដែរថា ការបិទផ្អាកអាជីវកម្ម កាស៊ីណូ ចំនួន២ ស្ថិតនៅច្រកទ្វារព្រំដែនអន្តរជាតិព្រែកចាក និងមួយកន្លែងទៀតនៅច្រកទ្វារព្រំដែនទ្វេភាគី(តន់ហន់)យ៉ាងតក់ក្រហល់បែបនេះ បន្ទាប់ពីជំនាញសុខាភិបាល បានរកឃើញអ្នកវិជ្ជមានកូវីដ-១៩ ជាច្រើននាក់នៅក្នុងកាស៊ីណូមួយ មានយីហោ សុខ គីមម៉េង ដែលស្ថិតក្នុងច្រកទ្វារទ្វេភាគី(តន់ហន់) ក្នុងភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត កាលពីថ្ងៃទី២៩ ខែឧសភា ឆ្នាំ២០២១ ។ ជាមួយគ្នានេះដែរ រដ្ឋបាលខេត្តកំពត ក៏បានជូនដំណឹងឲ្យអាជ្ញាធរដែនដីបិទផ្អាកការលក់ដូរផ្សារ ព្រែកក្រឹស រយៈពេល១៤ថ្ងៃផងដែរ៕

អត្ថបទ ៖ សេង ណារិទ្ធ