ព័ត៌មានជាតិ

អំណោយមនុស្សធម៌ ចែកជូនពលរដ្ឋ១៥០០គ្រួសារ នៅឃុំកោះសំរោង ក្នុងស្រុកកំពង់សៀម

បានផុស

៤ years មុន

នៅ

ថ្ងៃចន្ទ ៣១ ឧសភា ២០២១

ដោយ

នៅព្រឹកថ្ងៃទី៣១ ខែឧសភា ឆ្នាំ២០២១ ឯកឧត្ដម ខ្លូត ផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានអញ្ជើញសំណេះសំណាល សួរសុខទុក្ខ និងផ្តល់អំណោយរបស់ឯកឧត្តម សៀង ណាំ អ្នកតំណាងរាស្ត្រមណ្ឌលខេត្តសៀមរាប ជូនដល់បងប្អូនប្រជាពលរដ្ឋ១៥០០គ្រួសារដែលរស់នៅក្នុងឃុំកោះសំរោង ស្រុកកំពង់សៀម ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះដែរឯកឧត្តមអភិបាលខេត្តកំពង់ចាម បានថ្លែងអំណរគុណចំពោះទឹកចិត្តសប្បុរសរបស់ ឯកឧត្តម សៀង ណាំអ្នកតំណាងរាស្ត្រខេត្តសៀមរាប ដែលតែងតែជួយឧបត្ថម្ភគាំទ្របងប្អូនប្រជាពលរដ្ឋនៅក្នុងមូលដ្ឋានខេត្តកំពង់ចាម ក្នុងន័យលើកស្ទួយជីវភាពពលរដ្ឋកាន់តែល្អប្រសើរកំឡុងពេលកូវីដ-១៩។ ហើយក្នុងនាមអាជ្ញាធរខេត្តសូមឲ្យបងប្អូនប្រជាពលរដ្ឋដែលមានការសង្ស័យ ប៉ះពាល់ផ្ទាល់ និងប្រយោលជាមួយអ្នកកូវីដ-១៩ ត្រូវរាយការណ៍មកសមត្ថកិច្ច ក្រុមគ្រូពេទ្យមូលដ្ឋាន ដើម្បីធ្វើការយកសំណាក និងដាក់ខ្លួនឲ្យនៅដាច់ដោយឡែក ពោលគឺធ្វើចត្តាឡីស័កទៅតាមការណែនាំរបស់ក្រសួងសុខាភិបាល។

ឯកឧត្តមអភិបាលខេត្តកំពង់ចាម បានអំពាវនាវដល់បងប្អូនប្រជាពលរដ្ឋ បង្កើនការប្រុងប្រយ័ត្នការពារ ទប់ស្កាត់ និងអនុវត្តតាមវិធានការសុខាភិបាល ដើម្បីចៀសឆ្ងាយពីការឆ្លងរីករាលដាលជំងឺដ៏កាចសាហាវមួយនេះ និងអនុវត្តឲ្យខ្ជាប់ខ្ជួននូវវិធានការពារ ៣ការពារ៣កុំ របស់ប្រមុខរាជរដ្ឋាភិបាលកម្ពុជាដើម្បីឈានដល់បិទបញ្ចប់ព្រឹត្តិការណ៍២០កុម្ភៈ៕

អត្ថបទ ៖ ហុង ម៉េងហៀ