កវីនិពន្ធចម្រៀងជើងចាស់លោកគ្រូ ស៊ុំ សារឿន ទទួល​មរណ​ភាពក្នុងវ័យ ៦៩ឆ្នាំ

លោកគ្រូ ស៊ុំសារឿន ជាកវីនិពន្ធបទចម្រៀងជើងចាស់ បែបលក្ខណៈស្រុកស្រែធម្មជាតិបានទទួលមរណភាព នៅវេលាម៉ោង ១១ និង២០ នាទី ព្រឹកថ្ងៃទី ៣១ ខែឧសភា ឆ្នាំ២០២១នេះ ក្នុងជន្មាយុ ៦៩ ឆ្នាំ ដោយរោគាពាធ។

តាមរយ:ដំណឹងនេះបានធ្វើឲ្យអ្នកសិល្ប:និងគាំទ្រជាច្រើនបង្ហាញការចូលរួមសោកស្តាយហើយផ្ញើ សាររំលែកទុក្ខគ្រប់ៗគ្នា។

លោក អ៊ុក ណារីម ក៏បានលើកឡើងថាខ្ញុំពិតជាមានការតក់ស្លុត រន្ធត់ចិត្ត និងសោកស្តាយខ្លាំងណាស់ មិនចង់ជឿទេនៅពេលដឹងដំណឹងដ៏សោកសង្រេង ចំពោះការបាត់ បង់លោក គ្រូ ស៊ុំ សារឿន ដែលជាធនធានសិល្បៈដ៏មានទេពកោសល្យ ទាំងការច្រៀងនិងនិពន្ធ។

លោកបន្តថាខ្ញុំសូមចូលរួមរំលែកនូវមរណទុក្ខដ៏ក្រៀមក្រំបំផុតនេះ ជាមួយក្រុមគ្រួសារលោកគ្រូ និងសូមបួងសួងដល់ដួងវិញ្ញណក្ខន្ធលោកគ្រូ បានទៅកាន់ទីឋានស្ងប់សុខ សុគតិភពកុំបីឃ្លៀងឃ្លាតឡេីយ។

លោក​ ស៊ុំ​ សារឿន​ ជាអ្នកចម្រៀង​ និងជាអ្នកនិពន្ធជេីងចាស់មួយរូបតាំងពីទសវត្ស៨០​ រហូតដល់សព្វថ្ងៃ​ ដោយលោកក៏បានកសាងស្នាដៃជាច្រេីនរាប់មិនអស់​ដែលបទទាំងនោះល្បីៗជាច្រេីនទៀតផង​៕

ចាន់រ៉ា