ព័ត៌មានជាតិ

បង្ក្រាបករណីជួញដូរ និងប្រើប្រាស់គ្រឿងញៀន ០៨នាក់

បានផុស

៥ years មុន

នៅ

ថ្ងៃចន្ទ ១៦ វិច្ឆិកា ២០២០

ដោយ

សមត្ថកិច្ចនគរបាល ស្រុកជើងព្រៃ កាលពីថ្ងៃទី១៤ ខែវិច្ឆិកា ឆ្នាំ២០២០ បានបង្ក្រាបបទល្មើសគ្រឿងញៀន ១ករណី ឃាត់ខ្លួនជនសង្ស័យបាន ៨នាក់ រួមនឹងវត្ថុតាងមួយចំនួន នៅចំណុចផ្លូវបេតុង ស្ថិតក្នុងភូមិភ្នៅលិច ឃុំព្រៃចារ ស្រុកជើងព្រៃ ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អូត ឈាងលី អភិបាល នៃគណៈអភិបាល ស្រុកជើងព្រ បានឲ្យដឹងថា នៅថ្ងៃកើតហេតុ វេលាម៉ោង ១២:២០នាទី នៅចំណុចផ្លូវបេតុង ស្ថិតក្នុងភូមិភ្នៅលិច ឃុំព្រៃចារ ស្រុកជើងព្រៃ លោកវរសេនីយ៍ទោ ស្រី សុគន្ធ នាយការិយាល័យប្រឆាំងគ្រឿង បានបើកកិច្ចប្រតិបត្តិការចុះ បង្ក្រាបករណីជួញដូរ និងប្រើប្រាស់ ដោយខុសច្បាប់នូវសារធាតុញៀន ០១ករណី ដោយប្រើវិធានញុះញង់ ឈានទៅឃាត់ខ្លួនជនសង្ស័យ ចំនួន ០៨នាក់។

ក្នុងនោះ ១.ឈ្មោះ ឱ សុជាត្រា ភេទប្រុស អាយុ១៨ឆ្នាំ សញ្ជាតិខ្មែរ មុខរបរកម្មករ លើកទឹកកក នៅភូមិសង្កែពង ឃុំស្រម៉រ ស្រុកជើងព្រៃ ខេត្តកំពង់ចាម។ ២.ឈ្មោះ វ៉ន ផាន់និត ភេទប្រុស អាយុ១៨ឆ្នាំ សញ្ជាតិខ្មែរ មុខរបរមិនពិតប្រាកដ នៅភូមិសង្កែពង ឃុំស្រម៉រ ស្រុកជើងព្រៃ ខេត្តកំពង់ចាម។ ៣.ឈ្មោះ ជឺន សីហា ភេទប្រុស អាយុ១៨ឆ្នាំ សញ្ជាតិខ្មែរ មុខរបរជាងឡាន នៅភូមិកោះចិន ឃុំកោះចិន ស្រុកពញ្ញាឮ ខេត្តកណ្តាល។ ៤.ឈ្មោះ គីម ណាល់ ភេទប្រុស អាយុ១៩ឆ្នាំ សញ្ជាតិខ្មែរ មុខរបរលាងរថយន្ត នៅភូមិប៉ាណា ឃុំសូទិព្វ ស្រុកជើងព្រៃ ខេត្តកំពង់ចាម។ ៥.ឈ្មោះ ឈិន សុខលុន ភេទប្រុស អាយុ១៩ឆ្នាំ សញ្ជាតិខ្មែរ មុខរបរជាងផ្សាដែក នៅភូមិសង្កែពង ឃុំស្រម៉រ ស្រុកជើងព្រៃ ខេត្តកំពង់ចាម។ ៦.ឈ្មោះ ទេព សារុន ភេទប្រុស អាយុ៣៤ឆ្នាំ សញ្ជាតិខ្មែរ មុខរបរបើកបរ នៅភូមិសង្កែពង ឃុំស្រម៉រ ស្រុកជើងព្រៃ ខេត្តកំពង់ចាម។ ៧.ឈ្មោះ សំ ដារ៉ា ភេទប្រុស អាយុ ៣៤ឆ្នាំ សញ្ជាតិខ្មែរ មុខរបរលក់ដូរ នៅភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម។ ៨.ឈ្មោះ សាយ វណ្ណី ភេទប្រុស អាយុ ២៦ឆ្នាំ សញ្ជាតិខ្មែរ មុខរបរកម្មករ នៅភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម។

លោកអភិបាលស្រុក បានឲ្យដឹងទៀតថា ក្នុងប្រតិបត្តិការនេះដែរ សមត្ថកិច្ចជំនាញ បានដកហូតវត្ថុតាងមួយចំនួន រួមមាន ៖ ម្សៅក្រាមពណ៍ស សង្ស័យជាថ្នាំញៀនចំនួន ០៨កញ្ជប់ ទូរស័ព្ទដៃចំនួន ០៩គ្រឿង ម៉ូតូចំនួន ០៣គ្រឿង ប្រាក់ញុះញង់ចំនួន ៥ម៉ឺនរៀល និងសម្ភារៈ វេចខ្ចប់មួយចំនួន ផងដែរ។ បច្ចុប្បន្ន ជនសង្ស័យខាងលើ ត្រូវបាននាំខ្លួន ទៅអធិការដ្ឋាននគរបាល ស្រុកជើងព្រៃ ដើម្បី ធ្វើការស្រាវជ្រាវ និងកសាងសំណុំរឿងតាមនិតិវិធី បញ្ជូនទៅសាលាដំបូង ខេត្តកំពង់ចាម ចាត់ការបន្ត៕

សូមចុចអាន៖

Related Topics:ឃាត់ខ្លួន