ព័ត៌មានជាតិ

ពិន័យ១០ម៉ឺនរៀលទុកជាការព្រមាន សម្រាប់ក្មេងទំនើងបំពាក់បំពង់ស៊ីម៉ាំងម៉ូតូខុសបច្ចេកទេស

បានផុស

៣ years មុន

នៅ

ថ្ងៃអង្គារ ១ មិថុនា ២០២១

ដោយ

ទុកជាការព្រមានម៉ូតូ១គ្រឿង ត្រូវពិន័យ១០ម៉ឺនរៀល ដោយសារតែម៉ូតូទាំងនោះជិះដោយក្រុមក្មេងស្ទាវ ដែលបំពាក់បំពង់ស៊ីម៉ាំងបំពងសំឡេងខុសបច្ចេកទេសស្តង់ដាដើម និងរំខានដល់សណ្តាប់ធ្នាប់សាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានោះដែរ កម្លាំងនគរបាលខណ្ឌឬស្សីកែវ បានចាប់ឃាត់ម៉ូតូដែលកែច្នៃ បំពង់ស៊ីម៉ាំងបំពងសំឡេងខុសបច្ចេកទេសបានចំនួន ១២គ្រឿង យកមករក្សាទុក ដើម្បីធ្វើការផាកពិន័យនិងតម្រូវឲ្យម្ចាស់ម៉ូតូដោះដូរបំពង់ស៊ីម៉ាំងកែច្នៃចេញ ទើបអនុញ្ញាតឲ្យយកម៉ូតូត្រឡប់ទៅវិញបាន។ ជាក់ស្ដែងនៅសៀលថ្ងៃទី១ ខែមិថុនា ឆ្នាំ២០២១នេះ កម្លាំងនគរបាលបានឲ្យម្ចាស់ម៉ូតូចូលខ្លួនមកពិន័យតាមច្បាប់ចរាចរណ៍ ក្នុងម៉ូតូ១គ្រឿងពិន័យចំនួន១០ម៉ឺនរៀល និងបានឲ្យម្ចាស់ដោះដូរបំពង់ស៊ីម៉ាំង ដែលកែច្នៃមកដាក់បំពង់ស៊ីម៉ាំងធម្មតាវិញ។

ជាមួយគ្នានោះដែរលោកវរសេនីយ៍ឯក ហ៊ាង ថារ៉េត អធិការខណ្ឌឫស្សីកែវ បានឲ្យដឹងថា ប្រតិបត្តិការឃាត់ម៉ូតូកែច្នៃធ្វើឡើងចាប់ពីថ្ងៃទី២៦ ខែឧសភា ឆ្នាំ២០២១ ដល់យប់ថ្ងៃទី៣១ ខែឧសភា ឆ្នាំ២០២១ ដែលកម្លាំងអធិការដ្ឋាននគរបាលខណ្ឌឬស្សីកែវ បានដាក់គោលដៅស្ទាក់ឃាត់ម៉ូតូកែច្នៃបំពង់ស៊ីមុំាង(ប្រែន) បានចំនួន១២គ្រឿង។ លោកអធិការខណ្ឌឬស្សីកែវបានបន្តឲ្យដឹងទៀតថា ក្រោយយកមករក្សាទុករួច បានតម្រូវឲ្យម្ចាស់ម៉ូតូមកធ្វើកិច្ចសន្យានិងពិន័យតាមច្បាប់ ដោយឲ្យម្ចាស់ម៉ូតូទាំងអស់នោះ ដោះដូរបំពង់ស៊ីម៉ាំង ដែលឮខ្លាំងបំពង់ នោះមកស៊ីមុំាងធម្មតាវិញ ព្រមទាំងផាកវិន័យជាប្រាក់ចំនួន១០ម៉ឺនរៀលក្នុងម៉ូតូ១គ្រឿង យោងតាមច្បាប់ចរាចរណ៍ផ្លូវគោកផងដែរ។ បន្ទាប់មកទើប អនុញ្ញាតឲ្យពួកគាត់ត្រឡប់ទៅផ្ទះវិញ ដោយសន្យាថា ឈប់កែច្នៃបំពង់ស៊ីមាំងម៉ូតូ ឲ្យឮខ្លាំងៗរំខានដល់សាធារណជនបែបនេះតទៅទៀត

គួរបញ្ជាក់ផងដែរថា នាពេលកម្លាំងនគរបាលខណ្ឌឬស្សីកែវបាន ចុះអប់រំណែនាំដល់ក្រុមក្មេងទំនើងដែលច្នៃបំពង់ស៊ីមុំាងម៉ូតូបង្កឲ្យមានសំឡេងឮខ្លាំងរំខាន នៅតាមដងផ្លូវសាធារណៈ យកមកអប់រំណែនាំ និងធ្វើកិច្ចសន្យាបញ្ឈប់ឲ្យមានសកម្មភាពបែបនេះទៀត បន្ទាប់ពីក្រុមក្មេងទំនើងនេះ បានបើកបរម៉ូតូកែច្នៃបំពង់ស៊ីម៉ាំងឲ្យមានសំឡេងឮខ្លាំង បង្កការរំខានដល់អ្នកធ្វើដំណើរ និង បង្កឲ្យបាត់បង់សណ្ដាប់ធ្នាប់សាធារណៈផងដែរ៕

អត្ថបទ៖ រស្មី

សូមចុចអាន៖ អតីតរដ្ឋមន្រ្តីក្រសួងសាធារណការ ឯកឧត្តម ត្រាំ អ៉ីវតឹក ទទួលមរណភាព

Related Topics:ខណ្ឌឫស្សីកែវ