ព័ត៌មានជាតិ

លោកហ៊ុន ម៉ានី ផ្តល់កាដូនិងអាហារមួយចំនួនចែកដល់កុមារក្នុងឱកាសនៃទិវាកុមារអន្តរជាតិ

បានផុស

៤ years មុន

នៅ

ថ្ងៃអង្គារ ១ មិថុនា ២០២១

ដោយ

ភ្នំពេញ ៖ ក្នុងឱកាសនៃទិវាកុមារអន្តរជាតិ០១មុថិនានៅឆ្នាំនេះ លោក ហ៊ុន ម៉ានី បានសំដែងនូវក្តីនឹករលឹកចំពោះកុមារនិងបានជូនពរដល់កូនៗទាំងអស់ឱ្យមានសុខភាពល្អ កម្លាំងពលំមាំមួន រៀនសូត្របានពូកែ ដើម្បីត្រៀមខ្លួនធ្វើជាសរសរទ្រូង សម្រាប់អនាគតរបស់ប្រទេសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេប៊ុកផ្លូវការរបស់លោកនៅថ្ងៃនេះ លោកបានមានប្រសាសន៍ថា«ឆ្នាំនេះ បើទោះយើងមិនអាចជួបជុំគ្នាជាទ្រង់ទ្រាយធំបាននៅឡើយក៏ពិតមែន តែក្តីស្រលាញ់ និងនឹករឭករបស់ប៉ា និងម៉ាក់ចំពោះកូនៗទាំងអស់នៅតែមានជានិច្ច ហើយពួកយើងពិតជាចង់ជួបកូនៗណាស់។ប៉ា និងម៉ាក់សូមផ្ញើកាដូ និងអាហារមួយចំនួនចែកដល់កូនៗនៅតាមផ្ទះរៀងៗខ្លួនតាមរយៈបងៗដែលនៅអង្គការផ្ទះបាយកុមារ»។

លោក ហ៊ុនម៉ានីបាន បន្តទៀតថា ប៉ានិងម៉ាក់សូមអរគុណដល់កូនៗនៅអង្គការផ្ទះបាយកុមារ ដែលឥលូវនេះកូនៗបានបំពេញតួនាទីជាអ្នកបន្តចែករំលែកក្តីស្រលាញ់ទៅកុមារ ដូចអ្វីដែលកូនៗធ្លាប់បានទទួលពីប៉ាម៉ាក់កាលពីពេលកន្លងទៅ»។

យ៉ាងណាក៏ដោយ លោក ហ៊ុនម៉ានី បានណែនាំដល់កូនៗ និងអាណាព្យាបាលទាំងអស់ថែរក្សាសុខភាព និងការពារខ្លួនកុណឱ្យឆ្លងជំងឺកូវីដ ១៩ ដោយប្រកាន់ឱ្យបានខ្ជាប់ខ្ជួននូវវិធានការ ៣កុំ ៣ការពារ៕

ដោយ ៖ សំអឿន