Connect with us

ព័ត៌មានជាតិ

សមត្ថកិច្ចដុតដៃដុតជើងស្វែងរកឃាតករសម្លាប់យុវជនម្នាក់នៅសង្កាត់ចាក់អង្រែលើ

បានផុស

នៅ

ភ្នំពេញ៖ សមត្ថកិច្ចចម្រុះរបស់អាជ្ញាធរខណ្ឌមានជ័យកំពុងបើកការស៊ើបអង្កេតយ៉ាងក្តីគគុកទៅលើករណីឃាតកម្មសម្លាប់យុវជនម្នាក់លើកំណាត់ផ្លូវជាតិលេខ២ដែលជំហ៊ានដំបូងគឺសមត្ថកិច្ចកំពុងស្វែងរកស្រី​ស្នេហ៍ជនរងគ្រោះជាមុនតាមរយៈកាមេរ៉ាសុវត្ថភាពដែលមានដាក់នៅចំណុចកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់លោកវរសេនីយ៍ត្រី ជា រតនា នាយនគរបាលប៉ុស្តិចាក់អង្រែលើបានឲ្យដឹងថា កាលពីវេលាម៉ោង៨ និង៤០នាទីយប់ ថ្ងៃទី១ ខែមិថុនា នៅមុខដេប៉ូលក់ខ្សាច់ស្ថិតនៅតាមបណ្តោយផ្លូវជាតិលេខ២ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញមានករណីឃាតកម្មមួយកើតឡើងបណ្តាលឲ្យយុវជនម្នាក់ស្លាប់នៅនឹងកន្លែង។

យុវជនរងគ្រោះត្រូវបានគេស្គាល់ឈ្មោះ គីម សុខឿន អាយុ២១ឆ្នាំ មុខរបរជាងមាស ស្នាក់នៅផ្ទះជួល ភូមិសាមគ្គីសង្កាត់ឫស្សីកែវ ខណ្ឌឬស្សីកែវ រាជធានីភ្នំពេញ។

ក្នុងរបាយការណ៍បានរៀបរាប់ថា នៅមុនម៉ោងកើតហេតុជនរងគ្រោះបានជិះម៉ូតូម៉ាកនិច ពណ៌ផ្កាឈូក ពាក់ស្លាកលេខភ្នំពេញ១GN ២២៤៩ ដោយបានឌុបមិត្តស្រីពីក្រោយហើយធ្វើដំណើរតាមបណ្តោយផ្លូវជាតិលេខ២ក្នុងទិសដៅពីត្បូងទៅជើង។ ក្នុងពេលធ្វើដំណើរនោះក៏មានក្មេងស្ទាវចំនួន២នាក់ជិះម៉ូតូសេ១២៥ ដេញតាមបង្កឲ្យជនរងគ្រោះភ័យស្លន់ស្លោហើយបានទៅបុកបង្គោលភ្លើងបំភ្លឺផ្លូវ ស្ថិតនៅស្តាំដៃមុខដេប៉ូលក់ខ្សាច់ ដោយបានបោកក្បាលទៅនឹងបង្គោលភ្លើងរហូតដល់សន្លប់។ ចំណែកជនសង្ស័យចំនួន២នាក់ដែលបើកម៉ូតូដេញតាមនោះបានយកកាំបិតបុ័ងតោកាប់ត្រូវចង្កេះខាងឆ្វេងលិចប្រហែល៣ថ្នាំងដៃ បណ្តាលជនរងគ្រោះស្លាប់ភ្លាមៗ។ ចំណែកមិត្តស្រីជនរងគ្រោះត្រូវបានក្រុមជនសង្ស័យហៅឲ្យជិះជាមួយឆ្ពោះទៅក្បាលថ្នល់បាត់ទៅ។

លោកនាយប៉ុស្តិចាក់អង្រែលើបានបញ្ជាក់ថា នេះជាករណីឃាតកម្មពិតប្រាកដមែន ដោយជនសង្ស័យបន្សល់ទុកកាំបិទបុ័ងតោដែលខ្លួនយកមកកាប់ជនរងគ្រោះចំនួន១។ មកដល់ពេលនេះសមត្ថកិច្ចកំពុងស្វែងរកនារីជាមិត្តស្រីរបស់ជនរងគ្រោះព្រោះជាសាក្សីដ៏សំខាន់។ ក្នុងនោះក៏មានពន្លឺខ្លះៗពីសាច់ញាតិជនរងគ្រោះ និងមិត្តភក្ដិជនរងគ្រោះដែលសមត្ថកិច្ចកំពុងតាមប្រមាញ់ជនល្មើស៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៧ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៨ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៨ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ១០ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម