ព័ត៌មានជាតិ

កម្មការិនីវិជ្ជមានកូវីដ១៩ម្នាក់ទៀតហើយ បានវះកាត់សម្រាលកូនដោយសុវត្ថិភាព ដោយក្រុមគ្រូពេទ្យខេត្តកំពង់ស្ពឺ

បានផុស

៤ years មុន

នៅ

ថ្ងៃពុធ ២ មិថុនា ២០២១

ដោយ

ក្រុមគ្រូពេទ្យនៃមន្ទីរពេទ្យបង្អែកខេត្តកំពង់ស្ពឺ បានធ្វើការវះកាត់ដល់ស្ត្រីមានផ្ទៃពោះគ្រប់ខែម្នាក់វិជ្ជមានកូវីដ-១៩ ដើម្បីសម្រាលកូនជោគជ័យដោយមានសុវត្ថិភាពទាំងម្តាយ និងកូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រូពេទ្យប្រាប់ថា ស្ត្រីអ្នកជំងឺកូវីដមានផ្ទៃពោះគ្រប់ខែជាកម្មការិនីរោងចក្របានឈឺសម្រាលកូន ដោយស្ថានភាពមិនសូវល្អសម្រាកតាមធម្មជាតិពិបាក និងខ្លាចកើតមានបញ្ហាផ្សេងៗ ទើបក្រុមគ្រូពេទ្យជួយសង្គ្រោះដោយវះកាត់ ដើម្បីសម្រាកទាន់ពេលវេលា និងប្រកបដោយសុវត្ថិភាពទាំងម្ដាយ និងកូន។

ក្រុមគ្រូពេទ្យប្រាប់ទៀតថា ស្ត្រីកម្មការិនីបានឈឺពោះសម្រាលកូន នៅវេលាម៉ោងជាង២២យប់ នាថ្ងៃទី០១ ខែមិថុនា ២០២១នេះ បានកូនស្រីមានទម្ងន់ ៣.៦kg។ សម្រាប់ការវះកាត់ជួយសង្គ្រោះស្ត្រីមានកូវីដ-១៩ ឆ្លងទន្លេបានជោគជ័យ គឺដោយមានការយកចិត្តទុកដាក់ពីក្រុមគ្រូពេទ្យទាំងអស់ ដែលបានយកអស់កម្លាំងកាយចិត្តក្នុងការជួយម្ដាយ និងកូនឱ្យមានសុវត្ថិភាពទាំងពីរនាក់បែបនេះ៕

អត្ថបទ៖ ភួង រដ្ឋា

សូមចុចអាន៖ អ្នកស្លាប់ដោយសារជំងឺកូវីដ១៩ ចំនួន ១០ នាក់