ចាប់រថយន្តដឹកលើសទម្ងន់១៧២គ្រឿង និងពិន័យបានជាង ២៤២លានរៀល ក្នុងខែឧស​ភា

ក្រសួងសាធារណការ និងដឹកជញ្ជូន បានបង្ហាញទិន្នន័យនៅលើបណ្ដាញទំព័រហ្វេសប៊ុកផ្លូវការ នៅថ្ងៃទី១ ខែមិថុនានេះថា គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ដឹកជញ្ជូនលើសទម្ងន់កម្រិតកំណត់ នៅខែឧសភា ឆ្នាំ២០២១ បានចាប់រថយន្តដឹកជញ្ជូនលើសទម្ងន់ ១៧២គ្រឿង ដោយធ្វើការពិន័យបានថវិកាសរុបចំនួន ២៤២លានរៀល ដែលមានការកើនឡើងចំនួន ១៧២គ្រឿង ស្មើ៦ភាគរយ បើធៀបនឹងទិន្នន័យ ខែមេសា ឆ្នាំ២០២១ កន្លងទៅ មានចំនួន ១៦១គ្រឿង។

ក្រសួងបានអំពាវនាវសូមម្ចាស់រថយន្តដឹកទំនិញទាំងអស់ត្រូវដឹងថា ការបង្កផលប៉ះពាល់ដែលបណ្តាលមកពីការដឹកជញ្ជូនលើសទម្ងន់ គឺបានបំផ្លាញផ្លូវជាតិដែលនាំឱ្យខាតបង់ថវិកាជាតិ ព្រមទាំងបង្កនូវគ្រោះថ្នាក់ប៉ះពាល់ដល់ទ្រព្យសម្បត្តិសាធារណៈ និងជីវិតមនុស្ស៕