ព័ត៌មានជាតិ

គណៈបញ្ជាការឯកភាពខណ្ឌដូនពេញ ចុះបិទអាជីវកម្ម ២ ទីតាំង ដែលល្មើសបម្រាម

បានផុស

៤ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

កម្លាំងគណបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ អភិបាលនៃគណៈអភិបាលខណ្ឌ បានដឹកនាំកម្លាំងចុះពិនិត្យទីតាំង ក្លឹបកម្សាន្តបារបារាំង និងអាជីវកម្មផ្សេងទៀតដែលល្មើសនឹងការណែនាំរបស់រដ្ឋបាលរាជធានីភ្នំពេញ ដោយបានបិទអាជីវកម្មចំនួន២ទីតាំង ដែលមានការបើកភ្លេងកំដរពេលរាត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះពិនិត្យនេះ បានធ្វើឡើងនៅយប់ថ្ងៃទី២ ខែមិថុនា ឆ្នាំ២០២១ ដោយមានការចូលរួមលោក-លោកស្រី អភិបាលរងខណ្ឌ ដោយបែងចែកកម្លាំងជា៣ក្រុម ចុះត្រួតពិនិត្យ និង បង្ក្រាបទីតាំងអាជីវកម្ម ហាមឃាត់រួមមាន ក្លឹបកំសាន្តបារបារាំង និងអាជីវកម្មផ្សេងៗទៀតដែលល្មើសនឹងការណែនាំរបស់ក្រសួងសុខាភិបាល និងក្រសួងទេសចរណ៍ ដើម្បីចូលរួមការងារប្រយុទ្ធប្រឆាំងការរីករាលដាលនៃជំងឺកូវីដ-១៩ នៅក្នុងមូលដ្ឋាន ក៏ដូចជារក្សារបាននូវសណ្តាប់ធ្នាប់ អនាម័យ និងសោភណ្ឌភាពក្នុងរាជធានីភ្នំពេញ ។

ក្នុងប្រតិបត្តិការនេះផងដែរ ក្រុមការងារបានសម្រេចបិទអាជីវកម្ម ភោជនីយដ្ឋាន ដែលមានបើកភ្លេងកំដរ នាពេលរាត្រី ចំនួន២ទីតាំង ស្ថិតក្នុងសង្កាត់ផ្សារកណ្តាលទី១ និងសង្កាត់ជ័យជំនះ ដកហូតសម្ភារៈល្មើស រួមមានតុចំនួន២ កៅអីចំនួន១៣ យកមករក្សាទុកនៅរដ្ឋបាលខណ្ឌដូនពេញ៕