​ប្រទះ​ឃើញយុទ្ធភណ្ឌ​មិនទាន់​ផ្ទុះ​៣​គ្រាប់នៅក្រុងដូនកែវ​

​យុទ្ធភណ្ឌ​មិនទាន់​ផ្ទុះ​ចំនួន៣​គ្រាប់​ ត្រូវបាន​ប្រជាពលរដ្ឋ​ប្រទះ​ឃើ​ញ​ និង​រាយ​ការ​ទៅ​សមត្ថកិច្ច​ឲ្យ​ចុះ​ប្រមូល​យកទៅ​បំផ្លាញចោល​។

ការចុះ​ទៅយក​គ្រាប់​មិនទាន់​ផ្ទុះ​សល់​ពី​សម័យ​សង្គ្រាម​នេះ​ ធ្វើ​ឡើ​ង​នៅព្រឹក​ថ្ងៃទី​៣​ ខែមិថុនា ឆ្នាំ​២០២១ ដោយ​កម្លាំង​ការិយាល័យ​គ្រប់គ្រង​អាវុធ​គ្រឿងផ្ទុះ ជាតិពុល នៃ​ស្នងការដ្ឋាន​នគរបាល​ ខេត្ត​តាកែវ សហការ​ជាមួយ​កម្លាំង​ជំនាញ​អធិការដ្ឋាន​នគរបាល​ក្រុង​ដូន​កែវ ក្រោយពី​ប្រជាពលរដ្ឋ​ប្រទះ​ឃើញ​ ហើយ​បាន​រាយការណ៍​ជូន​សមត្ថកិច្ច​ជំនាញ​។

គ្រាប់យុទ្ធភណ្ឌដែលប្រជាពលរដ្ឋប្រទះឃើញនោះ​មាន​៖ ប្រភេទ​គ្រាប់ផ្លោង​១០៥​ម​ម​ ចំនួន​១​គ្រាប់ ប្រភេទ​ត្បាល់​៨១​ម​ម​ ចំនួន​១​គ្រាប់ ដែល​ទាំង​២​គ្រាប់​នេះ​ប្រទះ​ឃើ​ញ​នៅ​ភូមិ​ព្រេច សង្កាត់រ​កា​ក្រៅ ក្រុង​ដូន​កែវ និង​គ្រាប់​ប្រភេទ​ត្បាល់​៨១​ម​ម​ ចំនួន១​គ្រាប់ ​ប្រទះ​ឃើ​ញ​នៅ​ភូមិ​ស្នោ សង្កាត់​រកា​ក្នុង ក្រុង​ដូន​កែវ​។​

បច្ចុប្បន្ន​គ្រាប់​ទាំង​៣​ត្រូវបាន​កម្លាំង​ជំនាញ​យកមក​រក្សាទុក​នៅ​កន្លែង​មាន​សុវត្ថិភាព​ដើម្បី​ប្រ​គល់​ជូន​អង្គភាព​ស៊ីម៉ាក់ យកទៅ​កម្ទេច​ចោល​នៅពេល​ក្រោយ​៕

អត្ថបទ ៖ វីរៈ​