ព័ត៌មានជាតិ
មន្ត្រីជាន់ខ្ពស់សុខាភិបាល ជំរុញមន្ត្រីសុខាភិបាលទាំងអស់ បង្កើនការយកចិត្តទុកដាក់ដល់សុខភាពកុមារ
មន្ត្រីជាន់ខ្ពស់សុខាភិបាល បានជំរុញឲ្យមន្ត្រីសុខាភិបាលទាំងអស់ ត្រូវបង្កើនការយកចិត្តទុកដាក់ថែមទៀត ដល់សុខភាពកុមារ។
បន្ថែមពីនោះ ខណៈអត្រាមរណភាពទារក និងកុមារ ក្នុងកម្ពុជា នៅតែជាក្តីកង្វល់នៅឡើយ។
ថ្លែងក្នុងពិធីបើកសន្និសីទរោគកុមារលើកទី២ រៀបចំឡើងដោយមន្ទីរពេទ្យកុមារជាតិ នៅសណ្ឋាគារឡឺរ៉ូយ៉ាល់ កាលពីព្រឹកថ្ងៃទី២២តុលានេះ លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល បានមានប្រសាសន៍ថា ប្រទេសកម្ពុជា ទទួលជោគជ័យក្នុងការកាត់បន្ថយអត្រាមរណភាពមាតា និងកុមារ គួរឲ្យកត់សម្គាល់។ ប៉ុន្តែបញ្ហានេះ នៅតែជាក្តីកង្វល់មួយដែលត្រូវយកចិត្តទុកដាក់ខ្ពស់ផងដែរ។
លោកសាស្ត្រាចារ្យ បានបន្ថែមថា «ប្រសិនបើកុមារមានបញ្ហាសុខភាព វានឹងប៉ះពាល់ដល់ការលូតលាស់ និងបញ្ហាស្មារតីរបស់កុមារ ហើយវិបត្តិទាំងនេះ មិនត្រឹមតែប៉ះពាល់ដល់សេដ្ឋកិច្ចគ្រួសារកុមារផ្ទាល់ប៉ុណ្ណោះទេ វានឹងជះឥទ្ធិពលអវិជ្ជមានដល់សេដ្ឋកិច្ចជាតិទាំងមូល ក៏ដូចជាការអភិវឌ្ឍជាតិយើងផងដែរ»។
យោងតាមសូចនាករ នៃគោលដៅអភិវឌ្ឍន៍ប្រកបដោយចីរភាព(SDG) នៅឆ្នាំ២០៣០ អត្រាមរណភាពរបស់មាតា ត្រូវនៅក្រោម៧០ លើ១០០០០០ កំណើតរស់ អត្រាមរណភាពកុមារអាយុក្រោម៥ឆ្នាំ ត្រូវនៅក្រោម២៥ លើ១០០០កំណើតរស់ និងអត្រាមរណភាពរបស់ទារក ទើបកើតត្រូវនៅក្រោម១២ លើ១០០០ កំណើតរស់។
លោកសាស្ត្រាចារ្យ បានបញ្ជាក់ថា ដើម្បីសម្រេចឲ្យបានជោគជ័យតាមសូចនាករនេះ មន្ត្រីសុខាភិបាលទាំងអស់ ត្រូវខិតខំទាំងអស់គ្នា ទាំងចំណេះដឹង និងសមត្ថភាពជំនាញរៀងៗខ្លួន។
លោកសាស្ត្រាចារ្យ អេង ហួត បានមានប្រសាសន៍បន្តទៀតថា «ខ្ញុំសូមក្រើនរំលឹកដល់មន្ត្រីសុខាភិបាលទាំងអស់ សូមខិតខំប្រឹងប្រែង ពង្រឹងសមត្ថភាព និងចំណេះដឹងថ្មីៗបន្ថែមទៀត ដោយប្រកាន់ខ្ជាប់នូវក្រមសីលធម៌។ ក្នុងនោះ ដើម្បីផ្តល់សេវាប្រកបដោយគុណភាព ប្រសិទ្ធភាព និងសមភាពដោយប្រកាន់ខ្ជាប់នូវការថែទាំល្អ ជាមួយនឹងការព្យាបាលត្រឹមត្រូវជូនប្រជាពលរដ្ឋ ជាពិសេសកុមារដែលមកទទួលសេវានៅតាមមន្ទីរពេទ្យ និងមណ្ឌលសុខភាពគ្រប់ជាន់ថ្នាក់ នៅទូទាំងប្រទេស»។
លោកសាស្ត្រាចារ្យ បញ្ជាក់ទៀតថា ជាក់ស្ដែង សន្និសីទនាពេលនេះ មានសារសំខាន់ណាស់សម្រាប់គ្រូពេទ្យ គិលានុបដ្ឋាកឆ្មប និងអ្នកជំនាញឯកទេសផ្សេងៗគ្នា ក្នុងវិជ្ជាជីវៈសុខាភិបាលទាំងអស់ ជួបគ្នាធ្វើបទបង្ហាញ ពិភាក្សាគ្នា ដើម្បីចែករំលែកចំណេះដឹង បទពិសោធន៍ ក្នុងការអនុវត្ត ទាក់ទិននឹងការថែទាំ ព្យាបាលកុមារ និងទារក។
លោកវេជ្ជបណ្ឌិត ញឹប អង្គាបុស្ស ប្រធានមន្ទីរពេទ្យកុមារជាតិ បានបន្ថែមថា សន្និសីទនេះ ធ្វើឡើងក៏ដើម្បីបង្កើនចំណេះដឹង ពង្រឹងគុណភាព សមត្ថភាពអ្នកប្រកបវិជ្ជាជីវៈសុខាភិបាល ឲ្យកាន់តែប្រសើរឡើង។ ពិសេស ពង្រឹងការទំនាក់ទំនងរវាងអ្នកផ្តល់សេវាសុខាភិបាលទាំងអស់ ក្នុងប្រព័ន្ធការងារ ដែលទាក់ទងគ្នា ដើម្បីការអភិវឌ្ឍ និងការរីកចម្រើនទាំងអស់គ្នា ក៏ដូចជា ចែករំលែកបទពិសោធន៍ថ្មីៗទាន់ហេតុការណ៍ អំពីសុខុមាលភាពទារក កុមារក្នុងប្រទេសកម្ពុជា និងសកលលោក។
លោកវេជ្ជបណ្ឌិត បានបន្តថា «ក្នុងថ្ងៃនេះ យើងមិនត្រឹមតែស្វែងយល់ អំពីការថែទាំ ព្យាបាលប៉ុណ្ណោះទេ ថែមទាំងបានប្រៀបពីតួនាទីក្នុងការទទួលខុសត្រូវរបស់អ្នកវិជ្ជាជីវៈ ក្នុងវិស័យសុខាភិបាល នូវការធ្វើឲ្យសម្រេចបានគោលដៅយុទ្ធសាស្ត្រសកលថែមទៀត។ ព្រោះថា បញ្ហាសុខភាពរបស់ទារក និងកុមារ គឺជាការទទួលខុសត្រូវរបស់យើងទាំងអស់គ្នា»៕
អត្ថបទ ៖ សំអឿន
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១៦ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង