ព័ត៌មានជាតិ

ប្រទះឃើញកាំភ្លើងAK.47 ចំនួន០២ដើម នៅក្នុងស្ទឹងសៀមរាប

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

កាំភ្លើងម៉ាកAK.47ចំនួន០២ដើម នៅមានគុណភាពប្រមាណជា៥០ភាគរយ ត្រូវបានជនមិនស្គាល់អត្តសញ្ញាណបោះចោលក្នុងទឹកស្ទឹងសៀមរាប សំណាងល្អណាស់ត្រូវបានកម្មករសំណង់ម្នាក់ ប្រទះឃើញខណៈកំពុងបង់សំណាញ់ ហើយក៏រាយការណ៍ទៅសមត្ថកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ប្រទះឃើញនេះ គឺនៅវេលាម៉ោង២១និង០០នាទីថ្ងៃទី០៣ ខែមិថុនា ឆ្នាំ២០២១ នៅចំណុចក្នុងស្ទឹងសៀមរាប ស្ថិតក្នុងភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប។

មន្ត្រីអាវុធហត្ថខេត្តសៀមរាប បានឲ្យដឹងថា ពលរដ្ឋដែលបានប្រទះឃើញអាវុធ មានឈ្មោះ ដន ប្រង់ ភេទប្រុស អាយុ២៣ឆ្នាំ មុខរបរជាងសំណង់ បានមកបង់សំណាញ់តាមមាត់ស្ទឹង ក៏ប្រទះឃើញអាវុធAK.47ចំនួន០២ដើម គ្រាប់ចំនួន២៨គ្រាប់ ដោយលេខកាំភ្លើងទី១.លេខ 56-29014182, ទី២. លេខ 56-16165652។

សមត្ថកិច្ចបញ្ជាក់ថា មូលហេតុដែលប្រទះឃើញអាវុធទាំងនេះ គឺគាត់បានទៅបង់សំណាញ់នៅក្នុងស្ទឹងសៀមរាប។ អាវុធទាំងនេះ នៅមានគុណភាពប្រមាណជា៥០ភាគរយ ហើយបច្ចុប្បន្នអាវុធ និងគ្រាប់ ត្រូវបានកម្លាំងយកមករក្សាទុកនៅមូលដ្ឋានកងរាជអាវុធហត្ថក្រុងសៀមរាប៕