ព័ត៌មានជាតិ

រដ្ឋមន្ត្រីសុខាភិបាលស្នើឲ្យអាជ្ញាធរគ្រប់គ្រងនិងឃ្លាំមើលការបិតស្រាឱ្យបានល្អចៀសវាងការពុលស្រាស្លាប់ជាបន្តទៀត

បានផុស

៤ years មុន

នៅ

ថ្ងៃសុក្រ ៤ មិថុនា ២០២១

ដោយ

ភ្នំពេញ ៖ រដ្ឋមន្ត្រីក្រសួងសុខាភិបាល បានស្នើឲ្យអាជ្ញាធរនៅទូទាំងប្រទេសត្រូវគ្រប់គ្រងនិងឃ្លាំមើលការបិតស្រានៅតាមមូលដ្ឋានរបស់ខ្លួនឱ្យបានល្អចៀសវាងការពុលស្រាស្លាប់មនុស្សជាបន្តទៀត។

ការស្នើរបស់ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលនេះបានធ្វើឡើងបន្ទាប់ពីមានករណីពុលស្រា ស ស្រាថ្នាំ បានបណ្តាលឱ្យមនុស្សស្លាប់ចំនួន៣១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍របស់ក្រសួងសុខាភិបាលបានឲ្យដឹងថា នៅក្នុងត្រីមាសទី១ នៃឆ្នាំ២០២១នេះមានករណីស្លាប់ដោយសារតែការបរិភោគស្រា មានសារធាតុមេតាណុលកម្រិតខ្ពស់សរុបចំនួន៣១នាក់ក្នុងនោះស្លាប់១៤ករណី នៅស្រុកល្វាឯម ខេត្តកណ្តាលពី ស្លាប់នៅស្រុកកំពង់ត្រាច ខេត្តកំពត ចំនួន១០នាក់ និងករណីស្លាប់នៅស្រុកក្រគរ ខេត្តពោធិ៍សាត់ ចំនួន៧នាក់។

លោក រដ្ឋមន្ត្រី បានឱ្យដឹងនៅក្នុងសេចក្តីជួនដំណឹងរបស់ក្រសួងសុខាភិបាលចុះថ្ងៃទី៣មិថុនានេះដោយបានអំពាវនាវដល់ប្រជាពលរដ្ឋ ចូលរួមកុំពិសាស្រា ដែលបិត ឬលាយគ្មានបច្ចេកទេសត្រឹមត្រូវ និងគ្មានការត្រួតពិនិត្យជាពិសេសគឺ ពិសាស្រា ស ឬស្រាថ្នាំ ដែលយកមេតាណុលមកលាយ។

លោក រដ្ឋមន្ត្រី បានណែនាំដល់អ្នកប្រកបអាជីវកម្ម ហាមដាច់ខាត កុំយកសារធាតុមេតាណុលមកលាយធ្វើស្រា.ស ដែលបង្កឱ្យពុល និងស្លាប់បាត់បង់ជីវិត។

លើសពីនេះទៀត លោក រដ្ឋមន្ត្រី បានស្នើឲ្យបងប្អូនអាជ្ញាធរខេត្ត ស្រុកក្រុងខណ្ឌ រដ្ឋបាលឃុំ/សង្កាត់ ត្រូវចាត់តាំងកម្លាំងគ្រប់គ្រង ឃ្លាំមើល និងទប់ស្កាត់ការលក់ស្រាបិត ឬលាយគ្មានបច្ចេកទេសត្រឹមត្រូវ និងណែនាំប្រជាពលរដ្ឋ ជៀសវាងយកសារធាតុ មេតាណុលលាយធ្វើស្រា.ស ដែលបង្កឱ្យពុល និងស្លាប់បាត់បង់ជីវិត៕

ដោយ ៖ សំអឿន